បើកការប្រកួតកីឡាឧត្តមសិក្សានិងមធ្យមសិក្សាបច្ចេកទេសថ្នាក់ជាតិឆ្នាំ២០២៦
- ភ្នំពេញ
រាជធានីភ្នំពេញ ៖ ការប្រកួតកីឡាឧត្តមសិក្សានិងមធ្យមសិក្សាថ្នាក់ជាតិឆ្នាំ២០២៦ បានប្រកាសបើកជាផ្លូវការហើយកាលពីរសៀលថ្ងៃទី៦ ខែមិថុនា នៅវិមានពហុកីឡដ្ឋានជាតិអូឡាំពិក ក្រោមអធិបតីភាពឯកឧត្តមបណ្ឌិតសភាចារ្យហង់ជួន ណារុ៉ន ឧបនាយករដ្ឋមន្ត្រី រដ្ឋមន្ត្រីក្រសួងអប់រំយុវជន និងកីឡា។
ឯកឧត្តមបណ្ឌិតសភាចារ្យហង់ជួន ណារ៉ុន បានមានប្រសាសន៍ក្នុងឱកាសនោះថា ក្រសួងអប់រំ យុវជន និងកីឡា បាននិងកំពុងធ្វើកំណែទម្រង់ស៊ីជម្រៅលើវិស័យកីឡា ផ្អែកលើស្មារតីអប់រំកាយនិងកីឡា បានបោះជំហានទៅមុខមួយកម្រិតទៀត ដោយបន្តកំណែទម្រង់៤ចំណុចចាស់និងបន្ថែមថ្មី២ចំណុចទៀត បង្កើតបានជាអាទិភាពគន្លឹះ ដោយក្នុងកំណែទម្រង់ស៊ីជម្រៅទាំង៦ចំណុចរួមមាន៖
ទី១-ការកែទម្រង់គ្រប់គ្រង និងរចនាសម្ព័ន្ធ
ដឹកនាំ ពង្រឹងយន្តការការងារ សហការជាមួយសហព័ន្ធកីឡាជាតិ និងគ្រប់គ្រងធនធានមនុស្សឱ្យចំគោលដៅ។
ទី២-ការកែទម្រង់បណ្ដុះបណ្ដាលនិងអភិវឌ្ឍ
ធនធានមនុស្ស បង្កើនសមត្ថភាពគ្រូបង្វឹក អាជ្ញា
កណ្ដាល មន្ត្រីបច្ចេកទេសឱ្យស្របតាមស្តង់ដា
អន្តរជាតិ។
ទី៣-ការកែទម្រង់រៀបចំការប្រកួតគ្រប់កម្រិត ធានាការរៀបចំការប្រកួតកីឡាសិស្សឧត្តមសិក្សា និងការប្រកួតថ្នាក់ជាតិប្រកបដោយតម្លាភាព និងបច្ចេកទេសខ្ពស់។
ទី៤-ការកែទម្រង់ និងកសាងអភិវឌ្ឍ ហេដ្ឋា
រចនាសម្ព័ន្ធ រៀបចំ និងថែទីលាន ឧបករណ៍ សម្ភារកីឡានៅតាមគ្រឹះស្ថានសិក្សានិងមជ្ឈ
មណ្ឌលកីឡា។
ទី៥-ការប្រើប្រាស់បច្ចេកវិទ្យាព័ត៌មាននិងស្ថិតិកីឡា ធ្វើទំនើបកម្មប្រព័ន្ធគ្រប់គ្រងទិន្នន័យកីឡា ការចុះឈ្មោះ និងការវិភាគទិន្នន័យកីឡាឱ្យមានភាពច្បាស់លាស់និង
ទី៦-ការពង្រឹងសុចរិតភាព និងយុត្តិធម៌ក្នុង
កីឡា ផ្ដោតលើការប្រឆាំងការប្រើប្រាស់សារ
ធាតុហាមឃាត់(Anti-Doping) និងការលុបបំបាត់ទិន្នន័យអាយុឬការប្រកួតមិនស្មោះត្រង់។
ឯកឧត្តម ប៉ុន សុខ អគ្គនាយក នៃអគ្គនាយកដ្ឋានកីឡាបានបញ្ជាក់ថា យោងតាមផែនការប្រតិបត្តិប្រចាំឆ្នាំ២០២៦ របស់នាយកដ្ឋានរៀបចំព្រឹត្តិការណ៍ និងស្ថិតិកីឡាសហការជាមួយសហព័ន្ធកីឡាជាតិចំនួន១២ រៀបចំការប្រកួតកីឡាឧត្តមសិក្សា និងមធ្យមសិក្សាបច្ចេកទេសថ្នាក់ជាតិដែលប្រព្រឹត្តទៅចាប់ពីថ្ងៃ៥ ដល់ថ្ងៃទី១៣ ខែមិថុនា លើ១២ប្រភេទ
កីឡារួមមាន ៖ កីឡាបាល់ទាត់ បាល់ទះ បាល់បោះ អត្តពលកម្ម ប៉េតង់ ហែលទឹក វាយសី វាយកូនឃ្លីលើតុ តេក្វាន់ដូWT តេក្វាន់ដូITF ការរ៉ាតេ និងគុនដាវ ស្មើនឹង១០០វិញ្ញាសា ដែលមានប្រតិភូ គ្រូបង្វឹក កីឡាករ កីឡាការិនីចូលរួមប្រកួតសរុប១៨៧៦នាក់ ស្រី៤៧៨នាក់ មកពីគ្រឹះស្ថានឧត្តមសិក្សា និងមធ្យមសិក្សាបច្ចេកទេសចំនួន៤៣ ដោយក្នុងនោះមានគ្រឹះស្ថានសិក្សាសាធារណៈចំនួន១៩ និងគ្រឹះស្ថានសិក្សាឯកជនចំនួន២៤។
ឯកឧត្តមអគ្គនាយកបានបន្តថា ការរៀបចំការប្រកួតកីឡាឧត្តមសិក្សា និងមធ្យមសិក្សាបច្ចេកទេស ក្នុងគោលបំណងបង្កលក្ខណៈឱ្យនិស្សិតបានជួបជំុ ការផ្លាស់ប្ដូរបទពិសោធន៍គ្នាទៅវិញទៅមក ដែលនាំមកនូវការលើកកម្ពស់សុខភាពរាងកាយ បង្កើនសុខភាពផ្លូវចិត្ត ពង្រឹងវិន័យ និងការទទួលខុសត្រូវ ចេះធ្វើការងារជាក្រុម មានទំនុកចិត្តលើខ្លួនឯង បង្កើនសាមគ្គីភាពជាតិ កាត់បន្ថយអំពើអបាយមុខ បទស្មើស និងជំរុញសេដ្ឋកិច្ចជាតិ ។ ជាពិសេសជាងនេះទៅទៀត ឱ្យស្របតាមលំនាំនៃការរៀបចំការប្រកួតកីឡាសាកលវិទ្យាល័យអាស៊ានដែលកម្ពុជានឹងធ្វើជាម្ចាស់ផ្ទះឆ្នាំ២០២៨ ៕
ចែករំលែកព័តមាននេះ