ADផ្ទាំងផ្សព្វផ្សាយពាណិជ្ជកម្ម

Picture

កំពុងធ្វើការយ៉ាងស្ងាត់ជ្រាប លើឧក្រិដ្ឋជនថ្នាំញៀន​តាមឡានក្រុង​«សូរិយា»

5 ឆ្នាំ មុន
  • ស្ទឹងត្រែង

ខេត្តស្ទឹងត្រែង ៖ សេចក្តីរាយការណ៍​បានឱ្យ​ដឹង​ថា ក្រុម​ឧក្រិដ្ឋជន​ជួញដូរ​គ្រឿងញៀន​ដ៏​សន្ធឹកសន្ធាប់​មាន​ទម្ងន់​ជាង​១០០​គីឡូក្រាម​ដឹក​តាម​រថយន្តក្រុង «​ភ្នំពេញ​-​សូ​រិ​យា​» ពី​ប្រទេស​ឡាវ​ចូល​មក​កម្ពុជា គិត​មក​ដល់​ល្ងាច​ថ្ងៃ​ទី​២៧ មិថុនា គឺ​សមត្ថកិច្ច​ជំនាញ​នៅ​មិន​ទាន់​បង្ហាញ​មុខសញ្ញា​ជនសង្ស័យ​នោះ​នៅឡើយ បន្ទាប់​ពី​ធ្វើការ​បង្ក្រាប​បាន​ត្រង់​ចំណុច​ច្រក​ទ្វារ​អន្តរជាតិ​ត្រពាំង​ក្រៀល…

ខេត្តស្ទឹងត្រែង ៖ សេចក្តីរាយការណ៍​បានឱ្យ​ដឹង​ថា ក្រុម​ឧក្រិដ្ឋជន​ជួញដូរ​គ្រឿងញៀន​ដ៏​សន្ធឹកសន្ធាប់​មាន​ទម្ងន់​ជាង​១០០​គីឡូក្រាម​ដឹក​តាម​រថយន្តក្រុង «​ភ្នំពេញ​-​សូ​រិ​យា​» ពី​ប្រទេស​ឡាវ​ចូល​មក​កម្ពុជា គិត​មក​ដល់​ល្ងាច​ថ្ងៃ​ទី​២៧ មិថុនា គឺ​សមត្ថកិច្ច​ជំនាញ​នៅ​មិន​ទាន់​បង្ហាញ​មុខសញ្ញា​ជនសង្ស័យ​នោះ​នៅឡើយ បន្ទាប់​ពី​ធ្វើការ​បង្ក្រាប​បាន​ត្រង់​ចំណុច​ច្រក​ទ្វារ​អន្តរជាតិ​ត្រពាំង​ក្រៀល ព្រំដែន​ខេត្តស្ទឹងត្រែង ។

គួរ​បញ្ជាក់​ថា សមត្ថកិច្ច​បញ្ជូន​ជនសង្ស័យ​ទាំង​៣​នាក់ និង​ភស្តុ​តាង​ទាំងអស់​មក​កាន់​ស្នងការដ្ឋាន​នគរបាល​ខេត្តស្ទឹងត្រែង​ទាំង​យប់ ដោយ​បន្ថែម​កម្លាំង​ការពារ​សន្តិសុខ​យ៉ាង​តឹង​រឹង​បំផុត ។ គេ​សង្កេត​ឃើញ​ថា ជនសង្ស័យ​និង​ភស្តុ​តាង ត្រូវ​បាន​សាកសួរ​នៅ​ក្នុង​បន្ទប់​យ៉ាង​ស្ងៀមស្ងាត់ កាលពី​រសៀល​ថ្ងៃ​ទី​២៧ មិថុនា ដដែល​នោះ សមត្ថកិច្ច​កម្លាំង​នគរបាល​នៃ​ស្នងការដ្ឋាន​ខេត្តស្ទឹងត្រែង បាន​រឹត​បន្តឹង​សុវត្ថិភាព សូ​ម្បី​អ្នកកាសែត​ក៏​ពុំ​ត្រូវ​បាន​អនុញ្ញាត​ឱ្យ​ចូល​ផង​ដែរ ។

សមត្ថកិច្ច​ចម្រុះបាន​ឆែកឆេ​ឃើញ ថ្នាំ​ញៀន​ចំនួន​១២០​ដុំ​ លាក់​ក្នុង​វ៉ា​លិស​​ខ្មៅ​នៅ​ក្នុង​រថយន្តក្រុង​ក្រុមហ៊ុន​ភ្នំពេញ-​សូ​រិ​យា ​ដឹក​អ្នកដំណើរ​ពី​ប្រទេស​ឡាវចូល​កម្ពុជា តាម​ច្រក​ត្រពាំង​ក្រៀល​ ត្រូវ​បាន​កម្លាំង​នគរបាល​អន្តោប្រវេសន៍​ប៉ុស្តិ៍​ត្រពាំង​ក្រៀល នៃ​អគ្គនាយកដ្ឋាន​អន្តោប្រវេសន៍រក​ឃើញ​ សុទ្ធតែ​​ថ្នាំ​ញៀន​ប្រភេទ​ម៉ា​ទឹកកក អ៊ិ​ច​ស្ដា​ហ្ស៊ី ។

មន្ត្រី​ប្រចាំការ​ច្រក​ទ្វារ​ព្រំដែន​ត្រពាំង​ក្រៀល​កម្ពុជា​-​ឡាវ រួម​សហការ​គ្នា​បង្ក្រាប​មាន​សមត្ថកិច្ច ប៉ុស្តិ៍​ច្រក​ទ្វារ​ព្រំដែន​ត្រពាំង​ក្រៀល មន្ត្រី​អន្តោប្រវេសន៍​ប្រចាំ​ច្រក​ទ្វារ​។ កម្លាំង​សហការ​តំណាង​អង្គភាព​គយ​និង​រដ្ឋាករ ប្រធាន​ស្នាក់​មន្ត្រី​BLO​ប្រចាំ​ច្រក​ទ្វារ​ព្រំដែន​។

ប្រភព​ពី​សមត្ថកិច្ច​បានឱ្យ​ដឹង​ថា ឧក្រិដ្ឋជន​ពាក់ព័ន្ធ​ក្នុង​ករណី​រត់ពន្ធគ្រឿង​ញៀ​នោះ​ មាន​ចំនួន​៣​នាក់​ ​១​-​ឈ្មោះ​ធៀវ ធា​រ៉ូ ​ ភេទ​ប្រុស ​អាយុ​៣៥​ឆ្នាំ ​មានស្រុក​កំណើត​នៅ​ខេត្តព្រះវិហារ បច្ចុប្បន្ន​រស់នៅ​ភូមិ​ត្នោត​ថ្មី ឃុំ​សំអាង ស្រុក​ថា​ឡា​បរិ​វ៉ា​ត់ ខេត្តស្ទឹងត្រែង​, ទី​២-​ឈ្មោះធៀ​វ តុង​ហៃ ភេទ​ប្រុស​ អាយុ​៣៧​ឆ្នាំ មានស្រុក​កំណើត​នៅ​ខេត្តព្រះវិហារ បច្ចុប្បន្ន​រស់នៅ​ភូមិ​ត្នោត​ថ្មី​ឃុំ​សំអាង ស្រុក​ថា​ឡា​បរិ​វ៉ា​ត់ ​និងទី៣-ឈ្មោះ ហែម សា​វ៉​ន ភេទ​ប្រុស អាយុ​៣៥​ឆ្នាំ មានទីលំនៅខេត្តព្រះវិហារ ។ ដោយឡែក ថ្នាំ​ញៀន​​ទាំងអស់​គឺ​មាន​​សរុប 120 ​ដុំ ស្មើ​119​គីឡូក្រាម​779.5​ក្រាម ។

អត្ថបទសរសេរ ដោយ