ម៉េចគាត់ឡើងដំបូងផ្ទះគេធ្វើរឿងចឹងៗទៅវិញ!

ថ្ងៃទី ២៧ ខែ មិថុនា ឆ្នាំ ២០១៨

ម៉ោង ១៦:១០

ខេត្តកណ្តាល ៖ បុរសម្នាក់បានធ្វើសកម្មភាពវាយបំផ្លាញទ្រព្យសម្បត្តិអ្នកដទៃ ខណៈដែលជនសង្ស័យបានឡើងលើផ្ទះឈ្មោះ សុខ ឡាង ហើយកាត់ខ្សែភ្លើងរួសរើអីវ៉ាន់ ខោអាវ រួចឡើងទៅលើដំបូលផ្ទះវាយក្បឿងបែក ហើយក៏លោតឆ្លងទៅលើដំបូលផ្ទះឈ្មោះ អ៊ូច នី កាច់បំបាក់អង់តែនទូរទស្សន៍ និងវាយបំបែកក្បឿងអស់មួយចំនួនទៀត ។ ហេតុការណ៍នេះបានកើតឡើងនៅវេលាម៉ោង០១និង៣០នាទីថ្ងៃទី២៧ ខែមិថុនា ឆ្នាំ២០១៨ នៅចំណុចផ្ទះឈ្មោះ អ៊ូច នី និងផ្ទះឈ្មោះ សុខ ឡាង ស្ថិតក្នុងភូមិខ្ពបក្រោម ឃុំខ្ពប ស្រុកស្អាង ខេត្តកណ្តាល ។

នគរបាលស្រុកស្អាងបានឲ្យដឹងថា ជនរងគ្រោះទី០១ – ឈ្មោះ អ៊ូច នី ភេទប្រុស អាយុ៥៥ឆ្នាំ ជនជាតិខ្មែរ មុខរបរកសិករ ទី០២- ឈ្មោះ សុខ ឡាង ភេទស្រី អាយុ៧២ឆ្នាំ ជនជាតិខ្មែរ មុខរបរកសិករ មានទីលំនៅភូមិខ្ពបក្រោម ឃុំខ្ពប ស្រុកស្អាង ខេត្តកណ្តាលជាមួយគ្នា ។

ចំណែកជនសង្ស័យឈ្មោះ គ្រឿន សូណា ភេទប្រុស អាយុ៣៣ឆ្នាំ ជនជាតិខ្មែរ មុខរបរមិនពិតប្រាកដ មានទីលំនៅភូមិខ្ពបក្រោម ឃុំខ្ពប ស្រុកស្អាង ខេត្តកណ្តាល ។ សាក្សីបានប្រាប់ឲ្យដឹងថា នៅវេលាម៉ោង០១និង៣០នាទីយប់ថ្ងៃទី២៧ ខែមិថុនា ឆ្នាំ២០១៨ ឈ្មោះ គ្រឿន សូណា បានឡើងលើផ្ទះឈ្មោះ សុខ ឡាង ហើយកាត់ខ្សែភ្លើង រួសរើអីវ៉ាន់ ខោអាវ រួចឡើងទៅលើដំបូលផ្ទះវាយក្បឿងបែក ហើយលោតឆ្លងទៅលើដំបូល ផ្ទះឈ្មោះ អ៊ូច នី កាច់បំបាក់អង់តែនទូរទស្សន៍ និងវាយបំបែកក្បឿងអស់មួយចំនួនទៀត ។