រាស្ត្រប្រជាត្រូវការណាស់ពាក្យថាមេត្តានេះ តើអ្វីទៅជាមេត្តាធម៌ ?
មេត្តា គឺការស្រលាញ់ ការមេត្តា ការមេត្តាការមានសេចក្តីប្រាថ្នាល្អចង់ឱ្យគេបានសុខ ជាគុណធម៌ដំបូងបង្អស់ដែលអ្នកដឹកនាំត្រូវមាន ព្រោះមេត្តាជាពាក្យផ្ទុយនឹងវិហិង្សា គឺការបៀតបៀន ឬហិង្សា ការឃោរឃៅ។
បើអ្នកធំមានសន្តានចិត្តជាមនុស្សឃោរឃៅ គិតតែចង់ព្យាបាទ បៀតបៀនរាស្ត្រប្រជារបស់ខ្លួនឯងទៅហើយ តើសេចក្តីសុខ សន្តិភាព និងការចម្រើនលូតលាស់នឹងមានមកពីណា? ឧបមាដូចមាតាបិតាដែលមិនស្រឡាញ់កូន ស្អប់កូន ធ្វើបាបកូន គ្មានការថ្នាក់ថ្នមអ្វីទាល់តែសោះ តើកូននោះនឹងចម្រើនលូតលាស់មានសតិបញ្ញា មានអនាគតរុងរឿងម្តេចនឹងកើត? យើងដឹងហើយថា គោលបំណងរបស់ការគ្រប់គ្រងប្រទេសគឺ បជា សុខំ មហុត្តមំ សេចក្តីសុខរបស់រាស្ត្រ គឺជារបស់ដ៏មហាឧត្តម ។ចុះបើអ្នកធំគ្មានមេត្តាគឺសេចក្តីប្រាថ្នាឱ្យគេបានសុខសោះ តើនយោបាយ ការគ្រប់គ្រងនោះអាចនឹងទៅដល់គោលដៅឬទេ?
នេះជាចម្លើយដែលអស់លោកអ្នកធំ និងប្រជារាស្ត្រទាំងឡាយគប្បីឆ្លើយដោយខ្លួនឯង។ បើមិនអាចឆ្លើយបានទេ ក៏គប្បីរំលឹកដល់អតីតកាលចុះ គង់នឹងយល់ពីសារសំខាន់របស់មេត្តាជាមិនខាន ថាតើមានសោកនាដកម្មអ្វីកើតឡើងខ្លះ នៅពេលដែលអ្នកធំនាំគ្នាគ្រវាត់មេត្តាធម៌ចោលនោះ ។
ចែករំលែកព័តមាននេះ