ខេត្តព្រៃវែង ៖ ផ្ទះឈើប្រក់ស្លឹកមួយខ្នងទំហំ៤ម៉ែត្រ គុណ៨ម៉ែត្រ ត្រូវអគ្គិភ័យលេបត្របាក់ក្លាយទៅជាផេះផង់ ដោយសារតែការធ្វេសប្រហែសរបស់ម្ចាស់ផ្ទះ ។ ហេតុការណ៍នេះបានកើតឡើងកាលពីវេលាម៉ោង១និង៤០នាទីរសៀលថ្ងៃទី២៤ មិថុនា នៅចំណុចភូមិទឹកវិល…
ខេត្តព្រៃវែង ៖ ផ្ទះឈើប្រក់ស្លឹកមួយខ្នងទំហំ៤ម៉ែត្រ គុណ៨ម៉ែត្រ ត្រូវអគ្គិភ័យលេបត្របាក់ក្លាយទៅជាផេះផង់ ដោយសារតែការធ្វេសប្រហែសរបស់ម្ចាស់ផ្ទះ ។ ហេតុការណ៍នេះបានកើតឡើងកាលពីវេលាម៉ោង១និង៤០នាទីរសៀលថ្ងៃទី២៤ មិថុនា នៅចំណុចភូមិទឹកវិល ឃុំកំពង់ប្រាសាទ ស្រុកពាមជរ ខេត្តព្រៃវែង ។
ផ្ទះដែលត្រូវភ្លើងឆេះនេះមានម្ចាស់ឈ្មោះ ឡាំង យ៉ាំងមៀង ភេទប្រុស អាយុ៤៥ឆ្នាំ ជាជនជាតិវៀតណាម ។
ប្រភពព័ត៌មានពីសមត្ថកិច្ចបានឲ្យដឹងថា មុនពេលកើតហេតុនោះស្ត្រីជាប្រពន្ធម្ចាស់ផ្ទះបានយកសាំង២កានទៅចាក់វាល់នៅក្រោមផ្ទះ ពេលវាល់រួចហើយក៏ទុកសាំងនៅក្រោមផ្ទះ ហើយដើរចេញទៅបាត់ ។ ហើយភ្លាមៗនោះ បុរសជាប្តីដែលដេកយោងអង្រឹងជក់បារីនៅលើផ្ទះ បានទំលាក់កន្ទុយបារីមកក្រោម ចំសាំងដែលប្រពន្ធទុកនៅក្រោមផ្ទះក៏ឆាបឆេះកើតជាអគ្គិភ័យឡើង ហើយទម្រាំតែសមត្ថកិច្ចទៅដល់អណ្តាតភ្លើងបានលេបត្របាក់ផ្ទះទាំងមូលអស់ទៅហើយ ។
ប្រភពដដែលនេះបានបញ្ជាក់ថា គ្រោះអគ្គិភ័យនេះបានធ្វើឲ្យខូចខាតទ្រព្យសម្បត្តិដូចជា ម៉ូតូ២គ្រឿង ផ្ទាំងសូឡាមួយ សាំង២កាន ម៉ាស៊ូតកន្លះពីដុង និងសម្លៀកបំពាក់ ចានឆ្នាំងជាច្រើនទៀត ដែលសរុបជាទឹកប្រាក់ប្រមាណជា១៤លានរៀល តែទោះជាយ៉ាងណាអគ្គិភ័យនេះមិនបានបណ្តាលឲ្យមានគ្រោះថ្នាក់ដល់មនុស្ស ឬសត្វឡើយ ៕
ចែករំលែកព័តមាននេះ