ក្រោយពីត្រូវបានជ្រើសតាំងជាអគ្គលេខាបក្សកុំម្មុយនីស្តចិនមកលោកស៊ី ជីនពិញនឹងត្រូវតែងតាំងជាផ្លូវការជាប្រធានាធិបតីចិន ដោយសភាជាតិចិនដែលបើកសម័យប្រជុំកាលពីថ្ងៃទី៥ មីនា នៅក្រុងប៉េកាំង ។ក្នុងឱកាសនៃការតែងតាំងជាផ្លូវការនេះមានការធ្វើអត្ថាធិប្បាយនានារួចហើយពីប្រវត្តិ និងគម្រោងទាំងឡាយរបស់អនាគតបុរសខ្លាំង២នាក់នៃប្រទេសចិន គឺលោកស៊ី ជីនពិញ ដែលត្រូវជំនួសលោកហ៊ូ ជីនតាវ ជាប្រធានាធិបតី និងលោកលីកឺក្វាង ដែលត្រូវឡើងជំនួសលោកវេនជាបាវ ជានាយករដ្ឋមន្ត្រី ។
ទាក់ទិននឹងអនាគតប្រមុខរដ្ឋចិនកាសែតបារាំង LES ECHOS សរសេរថា លោកស៊ី ជីនពិញ តំណាងឱ្យក្តីសង្ឃឹមរបស់ចិន ។ លោកមានឆន្ទៈខិតជិតប្រជាជនចិនដោយលើកពាក្យ៣ម៉ាត់ថា លោកជាមនុស្ស«ស្និទ្ធស្នាល និយមការកែទម្រង់ និងទៀងត្រង់ »។ចំពោះលោកលីកឺក្វាងវិញ កាសែតនេះសរសេរថា លោកជាអ្នកមានគម្រោងផ្តោតជុំវិញការពង្រីកទីក្រុង ។ អ្នកេសដ្ឋកិច្ច អាយុ៥៧ឆ្នាំ រូបនេះ ផ្តោតលើថាមពលកកើតឡើងវិញ ការផ្លាស់ប្តូរបរិយាស សន្តិសុខស្បៀង ឬតស៊ូប្រឆាំងការឡើងថ្លៃអចលនទ្រព្យ ៕
ចែករំលែកព័តមាននេះ