មហាសេដ្ឋីអាមេរិកលោក DENNIS TITO ជាអ្នកទេសចរដំបូងគេទៅកាន់ទីអវកាសកាលពីថ្ងៃទី២៧ កុម្ភៈ បានលាតត្រដាងពីគម្រោងប្រកបដោយមហិច្ឆតាមួយរបស់លោកបំពេញបេសកកម្មជុំវិញភពព្រះអង្គារក្នុងឆ្នាំ២០១៨ ដែលបេសកកម្មនោះត្រូវប្រើពេលវេលាយ៉ាងវែងរហូតដល់៥០១ថ្ងៃ ទាំងទៅទាំងមក ដែលការចំណាយនៅមិនទាន់ច្បាស់នៅឡើយ ។
មហាសេដ្ឋីអាមេរិកលោក DENNIS TITO ជាអ្នកទេសចរដំបូងគេទៅកាន់ទីអវកាសកាលពីថ្ងៃទី២៧ កុម្ភៈ បានលាតត្រដាងពីគម្រោងប្រកបដោយមហិច្ឆតាមួយរបស់លោកបំពេញបេសកកម្មជុំវិញភពព្រះអង្គារក្នុងឆ្នាំ២០១៨ ដែលបេសកកម្មនោះត្រូវប្រើពេលវេលាយ៉ាងវែងរហូតដល់៥០១ថ្ងៃ ទាំងទៅទាំងមក ដែលការចំណាយនៅមិនទាន់ច្បាស់នៅឡើយ ។
មហាសេដ្ឋីរូបនេះ ពុំឱ្យដឹងពីការចំណាយសម្រាប់គម្រោងនោះដែលនឹងផ្គត់ផ្គង់ពីប្រភពឯកជនហើយគូសបញ្ជាក់ផងដែរថា ពុំរង់ចាំការចូលរួមខាងហិរញ្ញវត្ថុរបស់អង្គការអវកាសអាមេរិក NASA ឡើយ ។យោងតាមលោក ROBERT ZUBRIN ប្រធានក្រុមហ៊ុនឯកជន MARS SOCIETY ដែលពុំចូលរួមក្នុងគម្រោងនេះថា បេសកកម្មបែបនោះអាចធ្វើទៅបានជាមួយការចំណាយប្រាក់ពី១ពាន់ទៅ២ពាន់លានដុល្លារ ។
ក្រុមអ្នកផ្សងព្រេងមួយក្រុម បង្កើតឡើងជុំវិញលោកទីតូ បានបង្កើតមូលនិធិមួយមានឈ្មោះថា INSPIRATION MARS ដែលគោងជ្រើសរើសមនុស្ស២នាក់គឺបុរសម្នាក់និងនារីម្នាក់ អាចជាប្តីប្រពន្ធ មានវ័យកណ្តាល សម្រាប់បំពេញបេសកកម្មនោះជាលក្ខណៈឯកជន ។ លោក DENNIS TITO អាយុ៧២ឆ្នាំបញ្ជាក់ថា ការបាញ់បង្ហោះយានមួយសម្រាប់បេសកកម្មនោះកំណត់ថ្ងៃទី៥មករា ឆ្នាំ២០១៨ ៕
ចែករំលែកព័តមាននេះ