សោកស្តាយ​នគរបាលមួយ​រូបបាត់​បង់ជីវិត​ក្រោម​​​មេឃ​កំពុង​ភ្លៀង​​ រីឯ​ប្រពន្ធបាក់ជើង​


ខេត្តរតនគិរី ៖ រថយន្ត​ម៉ាក​កាម​រី​គូទ​ហើម​បោះពួយ​យ៉ាង​លឿន ខណៈ​មេឃ​កំពុង​ភ្លៀង​លាយឡំ​ខ្យល់ព្យុះ​ខ្លាំង​បាន​ទៅ​បុក​ជាមួយនឹង​ម៉ូតូ​មួយគ្រឿង​ជិះ​ពីរ​នាក់​ប្តី​ប្រពន្ធ បណ្តាលឱ្យ​ស្លាប់​ម្នាក់​ភ្លាម​ៗ​នៅ​នឹង​កន្លែង​កើតហេតុ និង​រង​របួសធ្ងន់​ម្នាក់​។   ហេតុការណ៍​គ្រោះថ្នាក់​ចរាចរណ៍​នេះ​បាន​កើតឡើង​កាលពី​វេលា​ម៉ោង​៦​និង​៣០​នាទី​យប់​ថ្ងៃ​ទី​១០ ខែមិថុនា​ឆ្នាំ​២០១៨ នៅ​ចំណុច​ផ្លូវ​ក្រាល​កៅស៊ូ​វាល​ថ្ម​រំ​ប្លង់ ស្ថិត​ក្នុងភូមិ​តង​កា​ម៉ា​ល ឃុំ​អូរ​ជុំ ស្រុក​អូរ​ជុំ ខេត្តរតនគិរី ។ ប្រភព​ពី​សមត្ថកិច្ច​បានឱ្យ​ដឹង​ថា អ្នកបើកបរ​រថយន្ត​បង្ក​ឈ្មោះ​ស្មៀន ថៃ ភេទ​ប្រុស អាយុ​៣៤​ឆ្នាំ ជនជាតិ​គ្រឹ​ង​មាន​ទីលំនៅ​ភូមិ​សា​ទុក ឃុំ​ប៉ូ​យ ស្រុក​អូរ​ជុំ បើកបរ​រថយន្ត​មួយ​គ្រឿង​ម៉ាក​កាម​រី​គូទ​ហើម ស៊េរី​ឆ្នាំ​៩៥ ពណ៌​សំបក​ឪឡឹក ពាក់​ស្លាក​លេខ ភ្នំពេញ ២B-០៣៦២ ។ ចំណែក​ជន​រង​គ្រោះ​ដែល​ស្លាប់​ឈ្មោះ​ម៉ាង ធន់ ភេទ​ប្រុស អាយុ​៤៥​ឆ្នាំ (​ត្រូវជា​ប្តី​) ជនជាតិ​គ្រឹ​ង​ ជា​នគរបាលមាន​ឋានៈ​នាយ​រង​ការិយាល័យ រស់នៅ​ភូមិ​គោក ឃុំ​ល្អក់ ស្រុក​អូរ​ជុំ ជិះ​ម៉ូតូ​មួយ​គ្រឿង ម៉ាក​ស៊ី​រុស ពណ៌​ខ្មៅ និង​ជន​រង​គ្រោះ​ម្នាក់​ទៀត​ត្រូវជា​ប្រពន្ធ​ឈ្មោះ​ឡ​ញ រេល អាយុ​៤០​ឆ្នាំ ជនជាតិ​ទំពួន រង​របួស​បាក់ជើង កំពុង​សម្រាក​ព្យាបាល​នៅ​មន្ទីរពេទ្យ​បង្អែក ខេត្ត​រតនគីរី​។ បន្ទាប់​ពី​កើតហេតុ អ្នកបើកបរ​រថយន្ត​បង្ក​ខាងលើ​ត្រូវ​បាន​សមត្ថកិច្ច​ឃាត់ខ្លួន​បានជា​បណ្តោះអាសន្ន​នៅ​ជំនាញ​អធិការដ្ឋាន​ស្រុក​អូរ​ជុំ​ក្រោម​ការ​សំរបសំរួល​ដោយ​លោក​ជា ពេជ្រ ព្រះរាជអាជ្ញា​អម​សាលាដំបូង​ខេត្តរតនគិរី​។ ចំណែក​រថយន្ត និង​ម៉ូតូ​ត្រូវ​បាន​យក​មក​រក្សា​ទុក​នៅ​បរិវេណ​អធិការដ្ឋាន​នគរបាល​ស្រុក​អូរ​ជុំ​ធ្វើ​កំណត់ហេតុ រង់ចាំ​ចាត់ការ​សំរបសំរួល​តាម​និ​តិ​វិធី​ច្បាប់​ ៕​

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ