តាមសង្ឃដិការបស់សម្តេចព្រះធម្មលិខិត លាស់ ឡាយ ជាសម្តេចសង្ឃនាយកទី១នៃព្រះរាជាណាចក្រកម្ពុជាឱ្យដឹងថា «ការបំបួសនាគធ្វើបានគ្រប់ពេល ហើយពាក្យថា ៖ នាគគឺសំដៅទៅលើពាក្យខ្ពង់ខ្ពស់ប្រសើរ តែនាគកាលពីមុនធ្លាប់ធ្វើអំពើអាក្រក់ លុះដល់ក្រោយមក ដោយសារការស្រឡាញ់អំពើល្អលើសលប់ពេក ក៏បានមកសុំបួសពីព្រះ ហើយបន្សល់ទុកនូវរឿងនិទានបំបួសនាគមកដល់សព្វថ្ងៃ ។
ការបំបួសនាគដែលអាចធ្វើទៅបាន លុះត្រាមានសំបុត្របញ្ជាក់ពីអាជ្ញាធរភូមិ-ឃុំនៅតាមកន្លែង និងមានការយល់ព្រមពីឪពុកម្តាយកូននាគ(អ្នកសាងផ្នួស)ផងដែរ ហើយការបំបួសនាគនេះ នៅតាមតំបន់ខ្លះគេរៀបចំពិធីដោយធ្វើការជិះសេះដង្ហែ ដោយយកតាមសម័យកាលរបស់ព្រះ នាមគោតមពេលទ្រង់យាងចេញសាងព្រះផ្នួស ។សម្តេចព្រះធម្មលិខិតមានថេរដិកាទៀតថា ការបំបួសនេះ ចែកចេញជាពីរ គឺទី១-បំបួសនាគជាសាមណេររក្សាសិល១០ ដែលរាប់ពីអាយុ១៩ឆ្នាំចុះក្រោម, ទី២-បំបួសនាគជា ភិក្ខុ រក្សាសិល៤ រាប់ពីអាយុ២០ឆ្នាំឡើង ។
អ្នកបួសគឺជាអ្នកទ្រទ្រង់នូវត្រ័យចីវរ គឺមានគុណសម្បត្តិច្រើន ជួយឱ្យសង្គមមានសន្តិសុខល្អ ជួយលុបបំបាត់អំពើហិង្សា និងជាអ្នកទ្រទ្រង់ផ្នែកព្រះពុទ្ធសាសនាបានស្ថិតស្ថេរ ពិសេសនោះ គឺបានតបស្នងសងគុណដល់ឪពុកម្តាយដែលបានផ្តល់កំណើតឱ្យទៀតផង ៕
ចែករំលែកព័តមាននេះ