សហគមន៍ចាប៉ីអមតៈ បង្កើតកម្មវិធីចុះសួរសុខទុក្ខព្រឹទ្ធាចារ្យសិល្បៈចាប៉ីដងវែងតាមបណ្តាខេត្តក្រុង ឆ្នាំ២០២៤
- ភ្នំពេញ
រាជធានីភ្នំពេញ ៖ សហគមន៍ចាប៉ីអមតៈ បានរួមគ្នាបង្កើតកម្មវិធីចុះសួរសុខទុក្ខ ព្រឹទ្ធាចារ្យសិល្បៈ
រាជធានីភ្នំពេញ ៖ សហគមន៍ចាប៉ីអមតៈ បានរួមគ្នាបង្កើតកម្មវិធីចុះសួរសុខទុក្ខ ព្រឹទ្ធាចារ្យសិល្បៈចាប៉ីដងវែងតាមបណ្តាខេត្តក្រុង ប្រចាំឆ្នាំ២០២៤ ក្នុងពេលដែលកម្មវិធីខាងលើ កន្លងមកត្រូវបានសហគមន៍ធ្វើឡើងជាបន្តបន្ទាប់តែមានលក្ខណះតូចៗនៅក្នុងរយះពេលប៉ុន្មានឆ្នាំចុងក្រោយនេះ ។
ប្រធានសហគមន៍ចាប៉ីអមតៈលោក ពេជ សារ៉ាត បានលើកឡើងថា កម្មវិធីនេះត្រូវបានផ្តួចផ្តើមដោយក្រុមរបស់លោក ដោយមានការចូលរួមសហការ និងឧបត្ថម្ភគាំទ្រពីសំណាក់សប្បុរសជននានាផងដែរ ហើយឆ្នាំនេះយើងបានរៀបចំជាលក្ខណះធំជាងឆ្នាំកន្លងទៅ ។
លោកបញ្ជាក់ថា កន្លងមកក្រុមរបស់លោកបានចុះជាក្រុមតូចៗប៉ុណ្ណោះសម្រាប់ការចុះសួរសុទ្ធទុក្ខនេះ ក្នុងពេលដែលយើងទទួលដំណឹងពីសាស្ត្រាចារ្យចាប៉ីណាម្នាក់ដែលមានការខ្វះខាត ហើយមានបំណងចង់ឲ្យក្រុមលោកជួយ ។
លោកបន្ថែមថា សម្រាប់ឆ្នាំ២០២៤ នេះក្រុមរបស់លោកបានប្រមូលផ្តុំគ្នាដោយមានគម្រោងច្បាស់លាស់ ដោយក្រុមលោកនឹងចុះសួរសុខទុក្ខ និងផ្តល់អំណោយមួយចំនួនដែលបានមកពីសប្បុរសជននានា ជូនព្រឹទ្ធាចារ្យចាប៉ីដងវែងចំនួន៣៨រូប នៅទូទាំងប្រទេស ។
លោក ពេជ សារ៉ាត បានលើកឡើងបន្ថែមថា សម្រាប់ការចុះនេះលោកបានគៀងគរយុវជនជាលក្ខណះទ្រង់ទ្រាយធំ ហើយស្លៀកក្បិនជាទម្រង់សិល្បះសម្តែងចាប៉ីដងវែង ដើម្បីសម្តែងជូនទស្សនិកជនទស្សនាជាសាធារណះ បន្ទាប់ពីការសួរសុខទុក្ខរួច ។
លោកបញ្ជាក់ថា សម្រាប់ការចុះសួរសុខទុក្ខនេះគឺយើងនឹងជូនថវិកា និងសម្ភារះប្រើប្រាស់មួយចំនួនជូនលោកព្រឹទ្ធាចារ្យជាលក្ខណះបច្ច័យបួន ហើយក្នុងពេលអនាគតសហគមន៍របស់លោកក៏មានគម្រោងបង្កើតកម្មវិធីសម្តែងសិល្បះ ដើម្បីស្វែងរកថវិកាជួយដល់ពួកគាត់ផងដែរ ។
បើតាមលោក ពេជ សារ៉ាត កម្មវិធីចុះសុខទុក្ខនេះគឺធ្វើឡើងក្នុងគោលបំណងរំលឹកដឹងគុណគ្រូ និងលើកទឹកចិត្តព្រឹទ្ធាចារ្យសិល្បៈចាប៉ីដងវែង ដែលចាស់ជរា និងមានជម្ងឺប្រចាំកាយ ហើយនឹងបណ្តុះស្មារតីយុវជនស្រឡាញ់សិល្បៈបុរាណខ្មែរចាប៉ីដងវែង តាមរយៈការជួបជាមួយព្រឹទ្ធាចារ្យសិល្បៈចាប៉ីដងវែង ផ្សព្វផ្សាយ តាមផ្លូវ រឺទីតាំងសាធារណៈ ដោយស្លៀកក្បិន ជាមួយនឹងចាប៉ីដងវែង ។
លោកបន្តថា កម្មវិធីនេះបានធ្វើឡើងក៏ដោយសារមើលឃើញព្រឹទ្ធាចារ្យសិល្បៈចាប៉ីដងវែងខ្លះលោកមាន ព្រះជន្មាយុកាន់តែចាស់ជរាច្រើន ហើយជីវភាពរស់នៅប្រចាំថ្ងៃមានការខ្វះខាត ថែមទាំងមានជម្ងឺប្រចាំកាយ អស់កំលាំង និងលទ្ធភាពប្រគំតន្ត្រីបុរាណខ្មែរចាប៉ីដងវែង ហើយលោកបានដង្ហើយហៅឲ្យជួយ ។
លោក ពេជ សារ៉ាត ក៏បានធ្វើការអំពាវនាវដល់សាធារណជនជាសប្បុរជន ដែលមានបំណងចូលរួមជាមួយក្រុមរបស់លោកគឺអាចរួមចំណែកវិភាគទាន ឧបត្ថម្ភគាំទ្រជាសម្ភារៈក្តី ឬថវិកាក្តី ដើម្បីជួយទ្រទ្រង់ជីវភាពដល់ព្រឹទ្ធាចារ្យសិល្បៈចាប៉ីដងវែង ដែលពួកគាត់ធ្លាប់មានស្នាដៃជួយលើកស្ទួយ និងថែរក្សាសិល្បះចាប៉ីដងវែង ៕
ចែករំលែកព័តមាននេះ