ខេត្តសៀមរាប ៖ ស្ត្រីម្នាក់ស្រវឹងស្រាជោកបានដួលលង់ទឹកស្លាប់ ពេលបានដើរយកមងទៅដាក់ត្រីក្នុងទឹកស្រះជម្រៅ២,៥០ម៉ែត្រ ហើយមានចម្ងាយពីផ្ទះប្រហែល២០ម៉ែត្រ។ បង្កឱ្យមានការភ្ញាក់ផ្អើលពេញភូមិកាលពីវេលាម៉ោង៩និង៣០នាទីព្រឹកថ្ងៃទី៣ ខែមិថុនា ឆ្នាំ២០១៨ ស្ថិតនៅចំណុចត្រពាំងដកពោធិ៍ ស្ថិតក្នុងភូមិតាហុក…
ខេត្តសៀមរាប ៖ ស្ត្រីម្នាក់ស្រវឹងស្រាជោកបានដួលលង់ទឹកស្លាប់ ពេលបានដើរយកមងទៅដាក់ត្រីក្នុងទឹកស្រះជម្រៅ២,៥០ម៉ែត្រ ហើយមានចម្ងាយពីផ្ទះប្រហែល២០ម៉ែត្រ។ បង្កឱ្យមានការភ្ញាក់ផ្អើលពេញភូមិកាលពីវេលាម៉ោង៩និង៣០នាទីព្រឹកថ្ងៃទី៣ ខែមិថុនា ឆ្នាំ២០១៨ ស្ថិតនៅចំណុចត្រពាំងដកពោធិ៍ ស្ថិតក្នុងភូមិតាហុក ឃុំត្រីញ័រ ស្រុកពួក ខេត្តសៀមរាប ។
ប្រភពបានបន្តថា ស្ត្រីដែលស្លាប់ឈ្មោះ រ៉យ សារ៉ម អាយុ៤៧ឆ្នាំ រស់នៅភូមិតាហុក ឃុំត្រីញ័រ ស្រុកពួក ខេត្តសៀមរាប។
តាមប្រភពពីមន្ត្រីជំនាញស្រុកពួកបានប្រាប់ថា មុនកើតហេតុ មានពលរដ្ឋរាយការណ៍មកថា មានករណីលង់ទឹកបណ្តាលឱ្យស្លាប់មនុស្សម្នាក់ ទើបកម្លាំងសមត្ថកិច្ចបានចុះទៅដល់កន្លែងកើតហេតុ រួចយកសពស្ត្រីរងគ្រោះមកដាក់លើគោក ដើម្បីពិនិត្យ។
ក្រោយពីការពិនិត្យរួចរាល់មក សមត្ថកិច្ចជំនាញបានបញ្ជាក់ថា មូលហេតុដែលបណ្តាលឱ្យជនរងគ្រោះស្លាប់គឺជនរងគ្រោះមានស្ថានភាពស្រវឹងស្រាខ្លាំង ហើយបានយកមងទៅដាក់ត្រីក្នុងស្រះ ទើបដួលទៅក្នុងទឹកស្រះដែលមានជម្រៅ២,៥០ម៉ែត្រ បណ្តាលឱ្យឈ្លក់ទឹកស្លាប់តែម្តង។
បច្ចុប្បន្ន សពស្ត្រីរងគ្រោះត្រូវបានសមត្ថកិច្ចប្រគល់ទៅឱ្យក្រុមគ្រួសារដើម្បីយកទៅធ្វើបុណ្យតាមប្រពៃណី ៕
ចែករំលែកព័តមាននេះ