ការស្វែងរកលាភដោយមិនគួរ ហើយលាភបែបនេះភិក្ខុមិនគួរនឹងស្វែងរកទេ ព្រោះជាអំពើដែលនាំឲ្យខុសឆ្គង នាំឱ្យសៅហ្មងដល់សិក្ខាវិន័យជាការចិញ្ចឹមជីវិតខុស ។ ភិក្ខុដែលបានវត្ថុផ្សេងៗ ឬធ្វើអំពើនានាដល់គ្រហស្ថ ដោយអំពើខុសឆ្គងដើម្បីឲ្យគេដឹងឧបការគុណ ឬឲ្យគេជ្រះថ្លាចំពោះខ្លួនហៅថា អនេសនៈ…
ការស្វែងរកលាភដោយមិនគួរ ហើយលាភបែបនេះភិក្ខុមិនគួរនឹងស្វែងរកទេ ព្រោះជាអំពើដែលនាំឲ្យខុសឆ្គង នាំឱ្យសៅហ្មងដល់សិក្ខាវិន័យជាការចិញ្ចឹមជីវិតខុស ។ ភិក្ខុដែលបានវត្ថុផ្សេងៗ ឬធ្វើអំពើនានាដល់គ្រហស្ថ ដោយអំពើខុសឆ្គងដើម្បីឲ្យគេដឹងឧបការគុណ ឬឲ្យគេជ្រះថ្លាចំពោះខ្លួនហៅថា អនេសនៈ អនេសនៈនេះមាន២១យ៉ាងគឺ ៖
ការធ្វើពេទ្យមើលជំងឺ១ ការធ្វើជាទូត១ ការទទួលបម្រើត្រកូលឲ្យគេប្រើទៅមក១ ការឲ្យអាហារបិណ្ឌបាតដល់ត្រកូល ហើយស្វែងរកបរិភោគដោយខ្លួនឯងជាខាងក្រោយ១ ការឲ្យទៅវិញទៅមក១ ការរៀនវិជ្ជាធ្វើគ្រូមើលទីដីជ័យភូមិ១ ការរៀនវិជ្ជាធ្វើគ្រូមើលនក្ខត្តឫក្ស១ ការរៀនវិជ្ជាធ្វើគ្រូទាយលក្ខណៈរូបកាយ១ ការឲ្យឫស្សី១ ការឲ្យស្លឹកឈើ១ ការឲ្យផ្កាឈើ១ ការឲ្យផ្លែឈើ១ ការឲ្យឈើស្ទន់១ ការឲ្យទឹកលុបមុខ១ ការឲ្យវត្ថុសម្រាប់កក់ងូត១ ការឲ្យគ្រឿងលម្អិតសម្រាប់លាប១ ការឲ្យដីស្អិត១ ការប្រព្រឹត្តបន្ទាបកាយវាចាឱ្យហួសហេតុ១ ការពោលពាក្យពិតខ្លះ មិនពិតខ្លះ១ ការផ្គាប់ផ្គុនត្រកូល១ ការបម្រើត្រកូលដោយកម្លាំងស្មង១ ។
កាលបើភិក្ខុប្រព្រឹត្តបំពានទៅនឹងបម្រាមខាងលើនេះ ដោយហោចទៅសូម្បីតែមួយមាត្រា ក៏ឈ្មោះថាធ្វើឲ្យខុសឆ្គងទៅនឹងពុទ្ធប្បញ្ញត្តិនាំឲ្យសៅហ្មងដល់សីលសិក្ខារបស់ខ្លួនបាន ។
ចែករំលែកព័តមាននេះ