លើកទី១មិនរាងដល់លើកទី២ទើបដឹង (មានវីដេអូ)
- ភ្នំពេញ
រាជធានីភ្នំពេញ ៖ កម្លាំងអាជ្ញាធរចម្រុះខណ្ឌមានជ័យដឹកនាំដោយលោកឌី រ័ត្នខេមរុណ អភិបាលរងខណ្ឌ បានចុះបង្ក្រាបទីតាំងកត់កន្ទុយលេខ ( ឆ្នោតយួន ) មួយកន្លែងនៅវេលាម៉ោង១៥…
រាជធានីភ្នំពេញ ៖ កម្លាំងអាជ្ញាធរចម្រុះខណ្ឌមានជ័យដឹកនាំដោយលោកឌី រ័ត្នខេមរុណ អភិបាលរងខណ្ឌ បានចុះបង្ក្រាបទីតាំងកត់កន្ទុយលេខ ( ឆ្នោតយួន ) មួយកន្លែងនៅវេលាម៉ោង១៥ និង១០នាទីរសៀលថ្ងៃទី៣១ ខែឧសភា ឆ្នាំ២០១៨ ស្ថិតតាមបណ្តោយផ្លូវប៉េតុង ចំណុចផ្សារក្រមួន ក្នុងភូមិត្នោតជ្រុំ៦ សង្កាត់បឹងទំពុន២ ខណ្ឌមានជ័យ រាជធានីភ្នំពេញ ។
មនុស្ស៣នាក់ដែលត្រូវឃាត់ខ្លួនមានឈ្មោះទី១- ញឹម កុសល ភេទប្រុស អាយុ៤៥ឆ្នាំ , ទី២- ឈ្មោះ មួយ ហៀង ភេទស្រី អាយុ៣៥ឆ្នាំ (ជាប្តីប្រពន្ធនឹងគ្នា ) , និងទី៣- ឈ្មោះ ណយ ពិសិដ្ឋ ភេទប្រុស អាយុ១៦ឆ្នាំ ត្រូវជាកូន ក្នុងការចុះបង្ក្រាបកម្លាំងអាជ្ញាធរចម្រុះដកហូតបាន លុយដុល្លារ៣៧៥ដុល្លារ , លុយខ្មែរ៥លាន៧ម៉ឺនរៀល , តុ១ ,កៅអី២ រួមជាមួយសន្លឹកឆ្នោតវៀតណាមដែលកត់រួចជាច្រើនទៀតផងដែរ ។
លោកឌី រ័ត្នខេមរុណអភិបាលរងខណ្ឌមានជ័យដែលដឹកនាំកម្លាំងចុះបង្ក្រាបបានឲ្យដឹងថា ក្រោយទទួលព័ត៌មានពីពលរដ្ឋថា ទីតាំងកត់ឆ្នោតខាងលើនេះមានការកត់ បើកចំហរយ៉ាងអាណាធិបតេយ្យបំផុតនៅសំយាបមុខផ្ទះរួចមក កម្លាំងអាជ្ញាធរដោយមានបញ្ជាពីលោកពេជ្រ កែវមុនីអភិបាលខណ្ឌ និងមានការឯកភាពពីតំណាងអយ្យការបានចុះមកបង្ក្រាបបានជាក់ស្តែងតែម្តង ។
ក្រោយការឃាត់ខ្លួនជនសង្ស័យ និងវត្ថុតាងត្រូវបានបញ្ចូនទៅកាន់ប៉ុស្តិ៍រដ្ឋបាលនគរបាលបឹងទំពុនទី២ ដើម្បីបន្តនីតិវិធីច្បាប់នៅពេលក្រោយ ។
សូមបញ្ជាក់ថា ជនសង្ស័យជាអ្នកកត់ឆ្នោតទាំង២នាក់ប្តីប្រពន្ធខាងលើ ធ្លាប់ត្រូវបានអាជ្ញាធរចម្រុះខណ្ឌមានជ័យឃាត់ខ្លួនបន្តនីតិច្បាប់ម្តងរួចមកហើយ កាលពីពាក់កណ្តាលឆ្នាំ២០១៧ ពាក់ព័ន្ធការកត់ឆ្នោតវៀតណាមខុសច្បាប់ ។ ដែលកាលនោះកម្លាំងអាជ្ញាធរដកហូតលុយបានជិត៧ម៉ឺនដុល្លារ ។
គួររំលឹកថា ក្រោយមកសមត្ថកិច្ចឃាត់ទាំង៣នាក់ឪពុកម្តាយ និងកូនខាងលើនេះសមត្ថកិច្ចបានដោះលែងកូនឱ្យត្រឡប់ទៅវិញ ព្រោះយុវជននេះគ្រាន់តែមកយកសោផ្ទះពីឪពុកម្តាយប៉ុណ្ណោះ មិនបានប្រព្រឹត្តខុសច្បាប់នោះទេ ចំណែក២នាក់ប្តីប្រពន្ធវិញត្រូវបន្តតាមនីតិវិធីច្បាប់ ៕
ចែករំលែកព័តមាននេះ