ម៉ិចស៊ិកបន្តឹងសំឡេងតបតលោកត្រាំ
ប្រទេសម៉ិចស៊ិក ៖ ប្រធានាធិបតីម៉ិចស៊ិកលោក ENRIQUE PENA NIETO បានប្រឆាំង យ៉ាងម៉ឺងម៉ាត់ ចំពោះសេចក្ដីថ្លែងការណ៍ថ្មីៗរបស់ប្រធានាធិបតីអាមេរិក លោកដូណាល់ត្រាំដែលថា…
ប្រទេសម៉ិចស៊ិក ៖ ប្រធានាធិបតីម៉ិចស៊ិកលោក ENRIQUE PENA NIETO បានប្រឆាំង
យ៉ាងម៉ឺងម៉ាត់ ចំពោះសេចក្ដីថ្លែងការណ៍ថ្មីៗរបស់ប្រធានាធិបតីអាមេរិក លោកដូណាល់ត្រាំដែលថា ម៉ិចស៊ិកត្រូវតែជាអ្នកចេញប្រាក់ថ្លៃកសាង ជញ្ជាំងព្រំដែនថ្មីនៅតាមព្រំដែន ខណៈប្រទេសទាំង២កំពុងចរចាគ្នា ខាងពាណិជ្ជកម្មយ៉ាងតឹងតែង ។
ក្នុងមីទ្ទីងមួយនៅរដ្ឋតេននេស៊ី លោកត្រាំថ្លែងនាយប់ថ្ងៃទី២៩ឧសភាថា ទោះបីយ៉ាងណា ជញ្ជាំងព្រំដែននឹងត្រូវកសាង ហើយទីបំផុតម៉ិចស៊ិក គឺជាអ្នកចេញប្រាក់សម្រាប់ជញ្ជាំងនេះ ។
ប្រធានាធិបតីម៉ិចស៊ិក តាម TWITTERបានផ្ញើសារតបតវិញចំពោះសមភាគីអាមេរិក ក្នុងភាសាម៉ឺងម៉ាត់ ខុសពីទម្លាប់ជាភាសាអង់គ្លេសនិងអេស្ប៉ាញ៉ុល ។ លោកថា ទេម៉ិចស៊ិកដាច់ខាតនឹងពុំចេញប្រាក់សម្រាប់ការកសាងជញ្ជាំងព្រំដែនឡើយ ។ ព្រំដែនរវាងម៉ិចស៊ិក និងអាមេរិកលាតសន្ធឹង ប្រវែងជាង៣១០០គីឡូម៉ែត្រក្នុងនោះប្រវែង១០០០គីឡូម៉ែត្រមានជញ្ជាំងរួចហើយ ។
ការលើកឡើងរបស់លោកត្រាំនេះអាចបំផ្លាញ ការខិតខំប្រឹងប្រែងរបស់ប្រទេសទាំង២ ក្នុងការចរចាឡើងវិញដែលកំពុងធ្វើ ចាប់តាំងពីជិត២ខែមកហើយ ស្ដីពីសន្ធិសញ្ញាផ្លាស់ប្ដូរសេរីអាមេរិកខាងជើង ហៅកាត់ថា ALENAដែលមានជាធរមានចាប់តាំងពីឆ្នាំ១៩៩៤មក ដោយកាណាដាស្ថិតក្នុងសន្ធិសញ្ញានេះដែរ ៕
ចែករំលែកព័តមាននេះ