រាជធានីភ្នំពេញ ៖ សេចក្តីរាយការណ៍បន្តឱ្យដឹងនៅព្រឹកថ្ងៃទី៣១ ឧសភា នេះ អាជ្ញាធរខណ្ឌប្ញស្សីកែវ ដឹកនាំដោយលោកវរសេនីយ៍ឯក ទៀង ច័ន្ទសារ អធិការនគរបាលខណ្ឌប្ញស្សីកែវ…
រាជធានីភ្នំពេញ ៖ សេចក្តីរាយការណ៍បន្តឱ្យដឹងនៅព្រឹកថ្ងៃទី៣១ ឧសភា នេះ អាជ្ញាធរខណ្ឌប្ញស្សីកែវ ដឹកនាំដោយលោកវរសេនីយ៍ឯក ទៀង ច័ន្ទសារ អធិការនគរបាលខណ្ឌប្ញស្សីកែវ បាននាំខ្លួនឃាតករជនជាតិវៀតណាមមកធ្វើត្រាប់នៅក្នុងផ្ទះមួយកន្លែង ស្ថិតតាមបណ្តោយផ្លូវជាតិលេខ៥ ត្រង់ចំណុចម្តុំគីឡូលេខ៧ (ផ្ទះឈើមាត់ច្រាំងទន្លេ) ក្នុងភូមិកសង្កាត់ច្រាំងចំរេះ២ ខណ្ឌប្ញស្សីកែវ ដែលជាផ្ទះកើតហេតុ ដើម្បីបង្ហាញពីសកម្មភាពដ៏សាហាវព្រៃផ្សៃពីការចាប់ក្មេងស្រីអាយុ៤ឆ្នាំម្នាក់រំលោភតាមរន្ធគូទ រហូតដល់នាងស្លាប់យកសាកសពទៅទម្លាក់ចោលក្នុងពាងទឹក ។
គួររំលឹកថា ជនសង្ស័យខាងលើឈ្មោះង្វៀងយ៉ាំង យី អាយុ៣៣ឆ្នាំ ជនជាតិវៀតណាម ។ រីឯក្មេងស្រីរងគ្រោះមានអាយុ៤ឆ្នាំ (ទាំង២នាក់មានផ្ទះជិតគ្នា) ។ ប្រភពឱ្យដឹងទៀតថា ក្នុងពេលនាំខ្លួនឃាតករនេះមកធ្វើត្រាប់ គឺមានកម្លាំងសមត្ថកិច្ចជាច្រើននាក់មកពីបណ្តាប៉ុស្តិ៍នានាក្នុងខណ្ឌប្ញស្សីកែវ ដើម្បីការពារជនសង្ស័យរូបនេះ ខ្លាចប្រជាពលរដ្ឋទប់កំហឹងលែងបានប្រើហិង្សា ព្រោះតែជននេះធ្វើសកម្មភាពដ៏ឃោរឃៅបំផុតនោះ ។
ក្រោយពីជនសង្ស័យធ្វើត្រាប់រួច ក៏ត្រូវបានលោកវរសេនីយ៍ឯក ទៀង ច័ន្ទសារ ទៅជួបជាមួយបងប្អូនក្នុងភូមិ ជាពិសេសឪពុកម្តាយរបស់ក្មេងស្រីរងគ្រោះផ្ទាល់តែម្តង ដើម្បីចូលរួមរំលែកទុក្ខផងដែរ ។
ព័ត៌មានលម្អឹតនឹងមានផ្សាយជូនលើទំព័រកាសែតកោះសន្តិភាព ។
គួររំលឹកថា ៖
https://kohsantepheapdaily.com.kh/article/644137.html
ចែករំលែកព័តមាននេះ