រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា កម្លាំងគណៈមេបញ្ជាការឯកភាពខណ្ឌពោធិ៍សែនជ័យ បានចុះទៅវាយកម្ទេចរបងដែលសង់រំលោភលើផ្លូវសាធារណៈ ដែលមានទទឹងប្រហែល៦ម៉ែត្រ កម្ពស់ជាង២ម៉ែត្រ និងបណ្តោយជិត៧០ម៉ែត្រ ។ ព្រឹត្តិការណ៍ចុះទៅវាយនោះនៅវេលាម៉ោង៨និង៣០នាទីព្រឹកថ្ងៃទី៣១…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា កម្លាំងគណៈមេបញ្ជាការឯកភាពខណ្ឌពោធិ៍សែនជ័យ បានចុះទៅវាយកម្ទេចរបងដែលសង់រំលោភលើផ្លូវសាធារណៈ ដែលមានទទឹងប្រហែល៦ម៉ែត្រ កម្ពស់ជាង២ម៉ែត្រ និងបណ្តោយជិត៧០ម៉ែត្រ ។ ព្រឹត្តិការណ៍ចុះទៅវាយនោះនៅវេលាម៉ោង៨និង៣០នាទីព្រឹកថ្ងៃទី៣១ ខែឧសភា ។ របងខាងលើបានសង់រំលោភចំណីផ្លូវលេខ១០៧ ភូមិក្បាលដំរី២ សង្កាត់ចម្ការ២ ខណ្ឌពោធិ៍សែនជ័យ ។
តាមសេចក្តីរាយការណ៍បន្តថា អ្នកដែលសង់គឺ លោកឧកញ៉ាម្នាក់ដែលគេហៅលោកថាឧកញ៉ា មុនពេលកម្លាំងចុះទៅវាយកម្ទេចចោលនោះ គឺមានការណែនាំ និងឃាត់នៅពេលដែលកំពុងសាងសង់ តែគាត់នៅ មិនស្តាប់ ដោយកន្លងមកឲ្យគាត់រុះរើខ្លួនឯងដែរ តែគាត់មិនព្រមទៀត រហូតមកដល់ពេលនេះទើបគណៈមេបញ្ជាការឯកភាពចុះមកវាយកម្ទេចតែម្តង ។
បញ្ជាក់ ៖ ផ្លូវខាងលើនេះកន្លងមកសម្តេចតេជោនឹងជួយស្ថាបនាដែលមានប្រវែងជាង២គីឡូម៉ែត្រ តភ្ជាប់ពីអាកាសយានដ្ឋានអន្តរជាតិភ្នំពេញ ឆ្ពោះទៅភូមិត្រពាំងជ្រៃ សង្កាត់កាកាប២ ដោយសម្តេចបានមានប្រសាសន៍ថា នឹងកសាងផ្លូវខាងលើឆាប់ៗនេះ ចឹងហើយបានជាអាជ្ញាធរបានមកវាយកម្ទេចរបងនោះ ។
ពេលចុះទៅវាយកម្ទេចនោះមិនមានឧកញ៉ាចេញមកតវ៉ានោះទេ ដោយអាជ្ញាធរវាយកម្ទេចរបងយ៉ាងរលូន ។
ដោយឡែកនៅរោងចក្រមួយកន្លែង ស្ថិតនៅផ្លូវនោះដែរបានសាងសង់រោងដាក់កង់ម៉ូតូរបស់កម្មករមានទំហំប៉ុនគ្នាដែរ ដោយអាជ្ញាធរទុកពេលឲ្យចំនួន១៥ថ្ងៃ ឲ្យរុះរើដោយខ្លួនឯងផងដែរ ៕
ចែករំលែកព័តមាននេះ