រាជធានីភ្នំពេញ ៖ បុរសម្នាក់ជាជនជាតិចិនបើករថយន្តក្នុងល្បឿនយ៉ាងលឿន ខណៈពេលបើកដល់ផ្លូវកោងហើយងងឹតមិនបានប្រយ័ត្នក៏រេចង្កូតធ្លាក់ចិញ្ចើមផ្លូវបណ្តាលឱ្យក្រឡាប់ពីរបីត្រឡប់ធ្លាក់ចូលទឹក បណ្តាលឱ្យអ្នកបើកបរស្លាប់ ។ ហេតុការណ៍នេះបានកើតឡើងកាលពីវេលាម៉ោង២និង៣០នាទីរំលងអាធាត្រឈានចូលថ្ងៃទី៣១ ខែឧសភា ឆ្នាំ២០១៨ តាមបណ្តោយផ្លូវទំនប់កប់ស្រូវ…
រាជធានីភ្នំពេញ ៖ បុរសម្នាក់ជាជនជាតិចិនបើករថយន្តក្នុងល្បឿនយ៉ាងលឿន ខណៈពេលបើកដល់ផ្លូវកោងហើយងងឹតមិនបានប្រយ័ត្នក៏រេចង្កូតធ្លាក់ចិញ្ចើមផ្លូវបណ្តាលឱ្យក្រឡាប់ពីរបីត្រឡប់ធ្លាក់ចូលទឹក បណ្តាលឱ្យអ្នកបើកបរស្លាប់ ។ ហេតុការណ៍នេះបានកើតឡើងកាលពីវេលាម៉ោង២និង៣០នាទីរំលងអាធាត្រឈានចូលថ្ងៃទី៣១ ខែឧសភា ឆ្នាំ២០១៨ តាមបណ្តោយផ្លូវទំនប់កប់ស្រូវ ក្នុងសង្កាត់គោករកា ខណ្ឌព្រែកព្នៅ ។ 
សាក្សីដែលឃើញហេតុការណ៍បានអោយដឹងថា មុនពេលកើតហេតុ គេបានឃើញបុរសម្នាក់ជាជនជាតិចិនមិនស្គាល់អត្តសញ្ញាណ វ័យជាង៣០ឆ្នាំ បើកបររថយន្តមួយគ្រឿងម៉ាកស៊ីណា ពណ៌ស ពាក់ស្លាកលេខ កំពង់ឆ្នាំង ២A-២៥៦៧ បើកបរតាមបណ្តោយផ្លូវទំនប់កប់ស្រូវក្នុងទិសដៅពីលិចទៅកើតក្នុងល្បឿន
លឿន ខណៈពេលជនជាតិចិននោះបើកមកដល់ចំណុចកើតហេតុខាងលើដែលជាផ្លូវរៀងកោង និងមិនមានដាក់ភ្លើងបំភ្លឺផ្លូវផងនោះ បួងចង្កូតមិនទាន់បានរេចង្កូតធ្លាក់ចិញ្ចើមផ្លូវបណ្តាលឱ្យរថយន្តក្រឡាប់ពីរបីត្រឡប់ធ្លាក់ចូលក្នុងទឹក និងបណ្តាលឱ្យអ្នកបើកបរស្លាប់ក្នុងរថយន្ត រីឯរថយន្តវិញខូចខាតខ្ទេចមួយកំណាត់ខាងមុខ និងបែកកញ្ចក់រថយន្តខាងក្រោយ ។
ក្រោយពេលកើតហេតុ សពរបស់ជនជាតិចិនត្រូវបានសមត្ថកិច្ចដឹកយកទៅតម្កល់ទុកនៅវត្តទឹកថ្លារី ឯរថយន្តវិញត្រូវបានសមត្ថកិច្ចធ្វើការវាស់វែងស្ទូចយកទៅរក្សាទុកនៅការិយាល័យចរាចរណ៍ផ្លូវគោក ៕
ចែករំលែកព័តមាននេះ