រាជធានីភ្នំពេញ ៖ បុរសជនជាតិចិន៣នាក់ បើករថយន្តមួយគ្រឿងក្នុងល្បឿនយ៉ាងលឿនមកដល់ផ្លូវបំបែកជា៤ មិនព្រមបន្ថយល្បឿនជ្រុលទៅបុករថយន្តមួយគ្រឿងទៀត កំពុងតែបើកឆ្លងស្តុប បណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើង កាលពីវេលាម៉ោង១០និង៣០នាទីយប់ ថ្ងៃទី៣០…
រាជធានីភ្នំពេញ ៖ បុរសជនជាតិចិន៣នាក់ បើករថយន្តមួយគ្រឿងក្នុងល្បឿនយ៉ាងលឿនមកដល់ផ្លូវបំបែកជា៤ មិនព្រមបន្ថយល្បឿនជ្រុលទៅបុករថយន្តមួយគ្រឿងទៀត កំពុងតែបើកឆ្លងស្តុប បណ្តាលឲ្យរងការខូចខាតយ៉ាងដំណំ ហេតុការណ៍នេះបានកើតឡើង កាលពីវេលាម៉ោង១០និង៣០នាទីយប់ ថ្ងៃទី៣០ ខែឧសភា ឆ្នាំ២០១៨ តាមបណ្តោយផ្លូវព្រះមុនីវង្ស កែងផ្លូវ១០៦ នៅចំណុចក្បែរនឹងកាណាឌីយ៉ា ស្ថិតនៅក្នុងសង្កាត់វត្តភ្នំ ខណ្ឌដូនពេញ ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញបុរសម្នាក់បើករថយន្តមួយគ្រឿង ពណ៌ទឹកប្រាក់ ពាក់ស្លាកលេខភ្នំពេញ 2R-6346 តាមបណ្តោយផ្លូវ១០៦ ក្នុងទិសដៅពីលិចទៅកើត ខណៈពេលបើកមកដល់ចំណុចកើតហេតុខាងលើរថយន្តនោះបានបើកឆ្លងស្តុបទៅត្រង់បានពាក់កណ្តាលផ្លូវ ក៏ស្រាប់តែមានជនជាតិចិន៣នាក់ បើករថយន្តមួយគ្រឿងម៉ាក RX300 ពណ៌ខ្មៅ ពាក់ស្លាកលេខភ្នំពេញ2O-3005 បើកបរតាមបណ្តោយផ្លូវព្រះមុនីវង្សក្នុងទិសដៅពីត្បូងទៅជើង បើកក្នុងល្បឿនយ៉ាងលឿនមកដល់ស្តុបបែកជាបួន មិនបានបន្ថយល្បឿននោះទេ ក៏ជ្រុលចង្កូតចាប់ហ្វ្រាំងមិនទាន់ទៅបុកចំក្បាលពីមុខផ្នែកខាងស្តាំពេញទំហឹង បណ្តាលឲ្យក្រពឹតរងការខូចខាតយ៉ាងដំណំ ហើយជ្រុលចង្កូតឡើងលើឃឿនចិញ្ចើមផ្លូវ រីឯរថយន្ត RX300 វិញ ការខូចខាតខ្ទេចមួយកំណាត់ខាងមុខផ្នែកខាងឆ្វេង ។
ក្រោយពេលកើតហេតុខាងភាគីរថយន្តពណ៌ទឹកប្រាក់ទាមទារសំណងចំនួន១៥០០ដុល្លារ ប៉ុន្តែខាងជនជាតិចិនព្រមសងតែ១០០០ដុល្លារ ហើយខាងរថយន្តនោះក៏ព្រមយកដើម្បីបញ្ចប់រឿង ៕
ចែករំលែកព័តមាននេះ