ខេត្តបាត់ដំបង ៖ យុវជនម្នាក់ត្រូវលោកព្រះរាជអាជ្ញា បញ្ជាឱ្យសមត្ថកិច្ចចុះឃាត់ខ្លួនភ្លាមៗ នៅវេលាម៉ោង១០ និង៣០នាទីព្រឹកថ្ងៃទី៣០ ឧសភា បន្ទាប់ពីមានអ្នកភូមិបានរាយការណ៍ថា ជននេះបានចាប់រំលោភក្មួយស្រីរបស់ខ្លួនអាយុ១១ឆ្នាំម្នាក់នៅក្នុងផ្ទះរបស់ខ្លួន ស្ថិតនៅភូមិកំពង់ពិល ឃុំវត្តតាមិម ស្រុកសង្កែ ។
សមត្ថកិច្ចបានឲ្យដឹងថា ជនសង្ស័យឈ្មោះឈៀង រស់ អាយុ២១ឆ្នាំ រីឯកុមារីរងគ្រោះ អាយុ១១ឆ្នាំ ដែលត្រូវជាក្មួយរបស់ជនសង្ស័យ និងរស់នៅមួយគ្នា (ជនសង្ស័យ) តែម្ដង ព្រោះម្ដាយឪពុកនាងធ្វើចំណាកស្រុកទៅធ្វើការងារនៅខេត្តព្រះវិហារ។
បើតាមសមត្ថកិច្ចបានប្រាប់ថា ជននេះបានចាប់ក្មួយស្រីរំលោភនៅយប់ថ្ងៃទី២៧ ឧសភា នៅក្នុងផ្ទះរបស់ខ្លួនបានសម្រេចរហូតដល់ទៅ២លើក ប៉ុន្តែនៅថ្ងៃទី២៩ ឧសភា ទើបបែកការណ៍ដល់អ្នកភូមិ ទើបអ្នកភូមិរាយការណ៍ជួយប្ដឹងសមត្ថកិច្ចអន្តរាគមន៍ ចាត់វិធានការតែម្ដង។
ជុំវិញករណីពូចាប់រំលោភក្មួយយ៉ាងព្រៃផ្សៃខាងលើនេះ អ្នកភូមិបាននិយាយប្រាប់សមត្ថកិច្ចថា កុមារីដ៏ អភ័ព្វនោះ មានឪពុកម្ដាយរស់នៅដូចគេឯងដែរ តែឪពុកម្ដាយនាងបានចេញទៅរកស៊ីនៅខេត្តផ្សេងយូរៗទើបមកផ្ទះជួបកូនម្ដង ដែលផ្ញើកូននៅជាមួយបងប្អូនឲ្យជួយមើលការខុសត្រូវ ។ អ្នកភូមិបាននិយាយទៀតថា ដំបូងគ្មាននរណាដឹងថា មានរឿងនេះកើតឡើងទេ តែនៅថ្ងៃទី២៩ឧសភា ក្រោយកើតហេតុ២ថ្ងៃគេឃើញក្មេងស្រីបានដើរហាក់ដូចខុសប្រក្រតី ទើបគេហៅសួរនាំ ស្រាប់តែនាងបាននិយាយប្រាប់ថា ពូរបស់នាងឈ្មោះរស់ បានចាប់រំលោភនាងរហូតដល់២លើក កាលពីយប់ថ្ងៃទី២៧ ឧសភា ធ្វើឲ្យនាងមានការឈឺចាប់យ៉ាងខ្លាំង ។ ពេលឮនាងនិយាយដូច្នេះ ទើបអ្នកភូមិទូរស័ព្ទប្ដឹងទៅសមត្ថកិច្ចមូលដ្ឋានភ្លាមៗតែម្ដងទៅ ។
បើតាមមន្ត្រីជំនាញបានឲ្យដឹងថា នាងមានស្នាមរបួសប្រដាប់ភេទធ្ងន់ធ្ងរ។ ពាក់ព័ន្ធនឹងការចោទប្រកាន់នេះ បើតាមចម្លើយជនតិរច្ឆានខាងលើនេះ ដែលត្រូវសមត្ថកិច្ចស្រង់សំដីបានសារភាពថា ខ្លួនពិតជាបានប្រព្រឹត្តនូវទង្វើនេះលើក្មួយស្រីមែន តែមិនបានស៊ីជម្រៅទេ គឺប្រើតែម្រាមដៃ ។ ប៉ុន្តែផ្ទុយពីការបំភ្លឺរបស់ក្មួយស្រីដែលបានរាយការណ៏ប្រាប់សមត្ថកិច្ច ពូចិត្តអប្រិយរូបនេះចាប់រំលោភនាងដល់ទៅ២លើកក្នុង១យប់ធ្វើឲ្យនាងមានការឈឺចាប់យ៉ាងខ្លាំង។ មិនតែប៉ុណ្ណោះ គម្រាមនាងមិនឲ្យនិយាយរឿងអាស្រូវនេះប្រាប់គេទៀតផង។
ចែករំលែកព័តមាននេះ