ខេត្តកំពត ៖ ព្រះសង្ឃនៅវត្តក្រាំងស្នាយបារម្ភពីសុវត្ថិភាពបន្ទាប់ តាំងពីមានគេលួចដុតបន្ទប់សិងលើសាលាឆាន់ ព្រះតេជ្ជគុណជ័យសិទ្ធីដែលមានព្រះជន្ម៥១វស្សា គង់នៅវត្តក្រាំងស្នាយ ឃុំក្រាំងស្នាយ ស្រុកឈូក ខេត្តកំពត ។…
ខេត្តកំពត ៖ ព្រះសង្ឃនៅវត្តក្រាំងស្នាយបារម្ភពីសុវត្ថិភាពបន្ទាប់ តាំងពីមានគេលួចដុតបន្ទប់សិងលើសាលាឆាន់ ព្រះតេជ្ជគុណជ័យសិទ្ធីដែលមានព្រះជន្ម៥១វស្សា គង់នៅវត្តក្រាំងស្នាយ ឃុំក្រាំងស្នាយ ស្រុកឈូក ខេត្តកំពត ។ កាលពីថ្ងៃទី២៩ ខែឧសភានេះបានយកពាក្យបណ្ដឹងទៅដាក់នៅមន្ទីរធម្មការខេត្តកំពតពាក់ពន្ធ័ និងរឿងគេលួចដុតបន្ទប់សិង នៅលើសាលាឆាន់ កាលពីយប់ថ្ងៃទី១៧ ខែឧសភា ។
ព្រះតេជ្ជគុណជ័យសិទ្ធីមានសង្ឃដីកាថា បន្ទាប់អាត្មាសិងនៅលើសាលាឆាន់ត្រូវបានគេលួចដុតឆេះសម្ភារជាច្រើន ខណៈពេលព្រះអង្គមិនបានសិងក្នុងបន្ទប់ ។ ព្រះតេជ្ជគុណ ដំបូងការឆេះក្នុងបន្ទប់ ស្មានតែផ្ទុះខ្សែភ្លើង តែដល់ពេលពិនិត្យទាំងអស់គ្នា មានចម្បើងមួយបាច់ត្រង់នោះ ហើយដែលព្រះអង្គអះអាងត្រូវបានគេលួចដុត ។
ព្រះតេជ្ជគុណជ័យសិទ្ធីមានសង្ឃដីកាថា ព្រះអង្គមានរឿងរ៉ាវជាមួយគេ តែព្រះអង្គមិនចោទគេថា ជាអ្នកដុតដែរ តែថ្មីៗនេះមានមនុស្សចូលក្នុងវត្តកាន់កាំបិតដើពេលយប់ទៀត លោកសង្ឃច្រើនអង្គក៏បានឃើញដែរ ។ ព្រះតេជ្ជគុណក៏បានភ័យខ្លាចពីសុវត្ថិភាពរបស់ព្រះអង្គ ។
ព្រះតេជ្ជគុណលី សំអុលចៅអធិការវត្តក្រាំងស្នាយមានសង្ឃដីកាថា រឿងឆេះបន្ទប់លោកសង្ឃនៅលើសាលាឆាន់នោះ ទាំងនគរបាល ទាំងព្រះសង្ឃមិនទាន់ដឹងនៅឡើយទេ ។ ព្រះតេជ្ជគុណលី សំអុលចៅអធិការវត្តក្រាំងស្នាយមានសង្ឃដីកាថា ទោះបីព្រះសង្ឃជ័យសិទ្ធីមានទំនាស់ជាមួយអ្នកផ្សេងក៏ចោទប្រកាន់គេមិនកើតដែរ ៕
ចែករំលែកព័តមាននេះ