យក​កាំបិត​សម្លាប់​មនុស្ស​៣​នាក់ហើយ ស្រែក​ទៀត


ប្រទេស​បែ​ល​ហ្ស៊ិ​ក ​៖ ​បុរស​រ៉ា​ឌី​កាល់​ម្នាក់ ដែល​មាន​បំណង​វាយប្រហារ​លើ​ប៉ូលិស បាន​សម្លាប់​​មនុស្ស​៣​នាក់ ក្នុង​នោះ​មាន​ប៉ូលិស​២​នាក់​ដោយ​កាំបិត មុន​ពេល​ត្រូវ​បាញ់​សម្លាប់​​កាលពី​ថ្ងៃ​ទី​២៩ ​ឧសភា នៅ​ទីក្រុង LIEGE ភាគ​ខាងកើត​បែ​ល​ហ្ស៊ិ​ក​។ ​តុលាការ​បែ​ល​ហ្ស៊ិ​ក ​ចាត់​ទុក​ថា ​នោះ​ជា​អំពើ​ភេរវកម្ម​មួយ​។

យោង​តាម​អាជ្ញាធរ​ថា ក្រោយ​សម្លាប់​មនុស្ស​៣​នាក់​លើ​មហាវិថី​មួយ​នៃ​ទីក្រុង​នេះ​បុរស​ដែល​តាម​សារព័ត៌មាន​ថា មានឈ្មោះ BENJAMIN HERMAN ជា​អ្នកលេង​ម្នាក់​កើត​ឆ្នាំ​១៩៨២ បាន​ចាប់​និយោជិត​ម្នាក់​នៃ​សាលា​ឯកជន​មួយ​ជា​ចំណាប់ខ្មាំង​រយៈពេល​ខ្លី ញ៉ាំ​ង​ឲ្យ​មានការ​ជម្លៀស​សិស្សសាលា​ចេញ​។​ពុំ​មាន​កុមារ​ណា​ម្នាក់​រង​របួស​ឡើយ​។

តាម​ TWITTER នាយក​រដ្ឋមន្ត្រី​បែ​ល​ហ្ស៊ិក​ លោក CHARLES MICHEL បាន​បរិហារ​ថា នោះ​ជា​អំពើ​ហិង្សា​យ៉ាង​កំសាក ​និង​ទាំង​ងងឹតងងល់​ ​ចំណែក​ក្នុង​វី​ដេ​អូ​មួយ​គេ​បាន​ឬ​សំឡេង​​ជន​នេះ​ស្រែក​យ៉ាង​ច្បាស់​នូវ​ពាក្យ​ថា ព្រះ​អាល់​ឡា​ហ៍​ជា​ធំ​។​ រួច​បណ្ដា​រូបភាព​ផ្សាយ​តាម​ទូរទស្សន៍​ឯកជន RTL​ បង្ហាញ​ជន​វាយប្រហារ​ដែល​ត្រូវ​បាញ់​សម្លាប់​ដួល​ដេក​​ផ្កាប់មុខ​មក​ដី​។ ​ជន​នេះ​ស្លៀក​សំលៀក​បំពាក់​ពណ៌​ខ្មៅ​។ ​ឃាតករ​ចាក់​ប៉ូលិស​២​នាក់​ច្រើន​កាំបិត​ពីក្រោយ​ខ្នង មុន​ពេល​ដណ្ដើម​យក​អាវុធ​ពី​ពួក​គេ រូ​ច​បាញ់​សម្លាប់​បន្ថែម​។ ​ក្រោយ​ដណ្ដើម​បាន​កាំភ្លើង ជន​នេះ​ប្រើ​ប្រឆាំង​ប៉ូលិស ហើយ​បាញ់​សម្លាប់​បុរស​អាយុ​២២​ឆ្នាំ​ម្នាក់​។

យោង​តាម​ប៉ូលិស​ថា​ ជន​ឈ្មោះ​ BENJAMIN HERMAN ជា​ជនខិលខូច ទទួល​ការ​កាត់​ទោស​ច្រើន​លើក ពី​បទ​ចាប់់រំលោភ​វាយ​គេឯង​ឲ្យ​របួស ឬញុ​រត់ពន្ធ​គ្រឿងញៀន​។ ​រូបគេ​ជាប់គុក​ចាប់តាំងពី​ឆ្នាំ​២០០៣​មក ហើយ​ក្រោយ​ទទួល​ការ​អនុញ្ញាត​ឲ្យ​ចេញ​ក្រៅ​គុក ក៏​ប្រព្រឹត្ត​អំពើ​មនុស្សឃាត​នេះ​នា​ថ្ងៃ​ទី​២៩​ឧសភា​៕

Facebook Google Twitter Email

សូម​ subscribe Channel Youtube របស់​កោះ​សន្តិភាព​លោក​​អ្នក​នឹង​ទទូល​បាន​ព័ត៌មាន​ជា​វីដេអូ​ថ្មី​ៗ​បន្ថែម​ទៀត សូម​អគុណ!!!!!

ព័ត៌មាន​អន្តរជាតិ

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

To Top

ការស្ទង់មតិគេហទំព័រថ្មី




សូម​អរគុណ