រាជធានីភ្នំពេញ ៖ តាមសេចក្តីរាយការបឋមបានឲ្យដឹងថា មានករណីរថយន្តដឹកដែកមួយគ្រឿងបានដាច់កង់ ខណៈពេលកំពុងតែបើកលឿន ទើបបណ្តាលឲ្យក្រឡាប់តែម្តង ហេតុការណ៍នេះបានកើតឡើងកាលពីវេលាម៉ោង១២និង២៥នាទី ផ្លូវ២១៧ ហៅផ្លូវចម្ការដូង នៅភូមិរលួស សង្កាត់ជើងឯក ខណ្ឌដង្កោរ ។
តាមសេចក្តីរាយការណ៍បន្តថា រថយន្តខាងលើបានដាច់កង់ក្រោយខាងស្តាំ ដែលបើកបរទិសដៅពីត្បូងទៅជើង ដឹកដែកពេញទ្រុងខាងក្រោយ ស្រាប់តែពេលបើកៗក៏បានដាច់កង់តែម្តង តែមិនមានអ្នកគ្រោះថ្នាក់ទេ ។ ចំណែកអ្នកបើកបរមិនបានប្រាប់ឈ្មោះនោះទេ ។
ក្រោយពេលកើតហេតុនគរបាលខណ្ឌដង្កោរបានចុះទៅពិនិត្យនៅកន្លែងកើតហេតុដោយអត់មានប៉ះពាល់អ្នកធ្វើដំណើរ និងរបួសឡើយ ហើយក៏ប្រគល់ឲ្យក្រុមហ៊ុននោះស្ទួចយកទៅជួសជុលឡើងវិញ ៕
ចែករំលែកព័តមាននេះ