រាជធានីភ្នំពេញ ៖ ស្ត្រី៤នាក់បើករថយន្តមួយគ្រឿងម៉ាក SCION ពណ៌ស ទើបនឹងចេញពីផឹកស៊ីបើករថយន្តក្នុងស្ថានភាពស្រវឹងហើយលឿនបួងចង្កូតបត់ស្តាំក៏ជ្រុលចង្កូតឡើងលើខឿនចិញ្ចើមផ្លូវហើយជ្រុលទៅបុកបាក់ឆត្រ និងបែកផើងផ្កា ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី២៩ ខែឧសភា…
រាជធានីភ្នំពេញ ៖ ស្ត្រី៤នាក់បើករថយន្តមួយគ្រឿងម៉ាក SCION ពណ៌ស ទើបនឹងចេញពីផឹកស៊ីបើករថយន្តក្នុងស្ថានភាពស្រវឹងហើយលឿនបួងចង្កូតបត់ស្តាំក៏ជ្រុលចង្កូតឡើងលើខឿនចិញ្ចើមផ្លូវហើយជ្រុលទៅបុកបាក់ឆត្រ និងបែកផើងផ្កា ហេតុការណ៍នេះបានកើតឡើងកាលពីវេលាម៉ោង១០និង៣០នាទីយប់ ថ្ងៃទី២៩ ខែឧសភា ឆ្នាំ២០១៨ តាមបណ្តោយផ្លូវព្រះសីហនុ ស្ថិតនៅក្នុងសង្កាត់ទន្លេបាសាក់ ខណ្ឌចំការមន ។
តាមប្រភពពីសាក្សីដែលឃើញហេតុការណ៍បានឱ្យដឹងថា មុនពេលកើតហេតុគេបានឃើញស្ត្រី៤នាក់ក្នុងស្ថានភាពស្រវឹងស្រាបើករថយន្តមួយគ្រឿង SCION ពណ៌ស តាមបណ្តោយផ្លូវព្រះនរោត្តម ក្នុងទិសដៅពីត្បូងទៅជើង ក្នុងល្បឿនយ៉ាងលឿនមិនដឹងថា ទើបតែចេញមកពីផឹកស៊ីពីណានោះទេបានជាបើករថយន្តលឿនហើយបួងចង្កូតបត់ស្តាំមកតាមបណ្តោយផ្លូវព្រះសីហនុក៏ជ្រុលឡើងលើខឿនសួនច្បារពុះចែកទ្រូងផ្លូវបណ្តាលឱ្យរេចង្កូតទៅស្តាំជ្រុលទៅបុកឆត្រ និងផើងផ្កាបណ្តាលឱ្យបាក់បែក ចំណែកខូចខាតរថយន្តបាក់កញ្ចក់ខាងស្តាំ ។
ក្រោយពេលកើតហេតុសមត្ថកិច្ចបានធ្វើការវាស់វែងទៅឃើញថា មិនមានស្នាមបែកបាក់ខឿនចិញ្ចើមផ្លូវបានឱ្យម្ចាស់រថយន្តដោះស្រាយជាមួយម្ចាស់ហាងដែលរងការខូចខាតដើម្បីបញ្ចប់រឿង ៕
ចែករំលែកព័តមាននេះ