រាជធានីភ្នំពេញ ៖ កម្លាំងសមត្ថកិច្ចនគរបាលការិយាល័យព្រហ្មទណ្ឌកម្រិតស្រាលរាជធានីភ្នំពេញ នៅថ្ងៃទី២៩ ឧសភា ២០១៨ បានបង្ហាញមុខក្រុមជនសង្ស័យឆក់ជនបរទេសចំនួន៤នាក់ ដែក្នុងនោះពួកគេទើបធ្វើសកម្មភាពបានត្រឹមតែ២លើក។ ជនសង្ស័យទាំង៤នាក់ ១.ឈ្មោះ ផង់ វុទ្ធី ភេទប្រុស អាយុ២៣ឆ្នាំ មុខរបរមិនពិតប្រាកដ ស្នាក់នៅផ្ទះគ្មានលេខផ្លូវលំ សង្កាត់ស្ទឹងមានជ័យ ខណ្ឌ មានជ័យ រាជធានីភ្នំពេញ។ ២.ឈ្មោះ អៀម សុខឡាំដា ហៅអិត ភេទប្រុស អាយុ១៧ឆ្នាំ មុខរបរ មិនពិតប្រាកដ ស្នាក់នៅផ្ទះជួល ផ្លូវលេខ១៦០ សង្កាត់ផ្សារកណ្តាល២ ខណ្ឌដូនពេញ រាជធានីភ្នំពេញ។ ៣.ឈ្មោះ ហេង ជួយឡេង ភេទប្រុស អាយុ១៥ឆ្នាំ មុខរបរសិស្សវិទ្យាល័យវត្តកោះ ថ្នាក់ទី៧A១ ផ្ទះគ្មានលេខ ផ្លូវលំ សង្កាត់កាកាប ខណ្ឌពោធិ៍សែនជ័យ រាជធានីភ្នំពេញ។ និងទី៤.ឈ្មោះ គឹម ឆាយហួត ហៅពយ ភេទប្រុស អាយុ១៧ឆ្នាំ មុខរបរជាបុគ្គលិកលក់គ្រឿងរថយន្ត ស្នាក់នៅផ្ទះជួល ផ្លូវលំ សង្កាត់ទួលស្វាយព្រៃ១ ខណ្ឌចំការមន រាជធានីភ្នំពេញ។
វត្ថុតាងចាប់យកម៉ូតូដែលជាមធ្យោបាយ ជិះធ្វើសកម្មភាព ១.ម៉ូតូម៉ាកហុងដាសេ១២៥ ពណ៌ខ្មៅ ស៊េរីឆ្នាំ២០១៨ ពាក់ស្លាកលេខ ភ្នំពេញ១GY-៩៥៦៤ ២.ម៉ូតូម៉ាកហុងដាសេ១១០ ពណ៌ខ្មៅ ពាក់ស្លាកលេខ ភ្នំពេញ ១BE-១៥៦២ មួយគ្រឿង ៣.ម៉ូតូម៉ាក វីវ៉ា ពណ៌ខ្មៅ ពាក់ស្លាកលេខ ភ្នំពេញ ១U-០៥៧៥ មួយគ្រឿង។ ភស្តុតាងដកហូតដែលជារបស់ជនរងគ្រោះ ១.កាបូបដៃ ពណ៌ខ្មៅ ចំនួន០១ ២.លិខិតឆ្លងឈ្មោះ LIN WEI លេខ EB០៧៦១១៧៨ ៣.កាត ATM ចំនួន០៣ ៤.បណ្ណ័បើកបររថយន្តជនជាតិចិន ប្រភេទC១ ចំនួន០១ និងឯកសារពាក់ពន្ធមួយចំនួនទៀត។ ទាក់ទិននឹងការឃាត់ខ្លួនជនសង្ស័យ៤នាក់ខាងលើនេះ លោកវរៈសេនីយ៍ឯក ប៊ុន សត្យា នាយការិយាល័យនគរបាលព្រហ្មទណ្ឌកម្រិតស្រាល រាជធានីភ្នំពេញ បានឲ្យដឹងថា ជនសង្ស័យបានសារភាពហើយ ពួកគេបានធ្វើសកម្មភាពឆក់ជនបរទេសចំនួន២លើក លើកទី១ ឆក់កាបូបដៃ ពណ៌ខ្មៅ ពីជនបរទេសនៅចំណុច ផ្លូវ១០៥ កែង២៧៤ ភូមិ១ សង្កាត់បឹងព្រលិត ខណ្ឌ៧មករា កាលពីថ្ងៃទី២៧ ឧសភា ២០១៨ វេលាម៉ោង៥ និង២០នាទីរសៀល ពីជនរងគ្រោះឈ្មោះ LIN WEI ភេទប្រុស អាយុ៤៤ឆ្នាំ ជនជាតិចិន មុខរបរទេសចរណ៍ កាន់លិខិតឆ្លងដែនលេខ ED ០៧៦១១៧៨ ចុះថ្ងៃទី១១ កញ្ញា ២០១៨ ស្នាក់នៅបន្ទប់លេខ៧០៩ សណ្ឋាគារកាដាលីស ផ្ទះលេខ១០៥ ភូមិ១ សង្កាត់បឹងព្រលឹត ខណ្ឌ៧មករា។
អំពើឆក់នោះជនរងគ្រោះបាត់បង់សម្ភាររួមមាន៖ កាបូបដៃ ពណ៌ខ្មៅចំនួន០១,លិខិតឆ្លងដែន ចំនួន០១ កាតATM ចំនួន០៣,បណ្ណ័បើកបរ ចំនួន០១, ប្រាក់ចិនចំនួន ៧០០,ប្រាក់ដុល្លារចំនួន៨០ដុល្លារអាមេរិក និងប្រាក់មួយចំនួនទៀត។ លើកទី២-ឆក់កាបូបដៃ ពណ៌ខ្មៅ ពីជនបរទេសនៅចំណុចមុខសណ្ឋាគារ អេស៊ាផេលេស ផ្ទះលេខ២១៩ ផ្លូវលេខ៩៣ ភូមិ៥ សង្កាត់អូរឫស្សី៤ ខណ្ឌ៧មករា រាជធានីភ្នំពេញ កាលពីថ្ងៃទី២២ ឧសភា ២០១៨ វេលាម៉ោងប្រហែល៩ និង២០នាទីយប់ ពីជនរងគ្រោះឈ្មោះ WANG CHUNXIAO ភេទប្រុស អាយុ៤១ ឆ្នាំ ជនជាតិចិន មុខរបរទេសចរណ៍ កាន់លិខិតឆ្លងដែនលេខ ED ០៧២០១៦១ ចុះថ្ងៃទី០២ ខែឧសភា ឆ្នាំ២០១៨ ស្នាក់នៅសណ្ឋាគារ អេស៊ាផេលេស ផ្ទះលេខ២១៩ ផ្លូវលេខ៩៣ សង្កាត់អូរឫស្សី៤ ខណ្ឌ ៧មករា រាជធានីភ្នំពេញ។ ជនរងគ្រោះបាត់បង់សម្ភាររួមមាន៖ លិខិតឆ្លងដែនជនជាតិ ចិន ចំនួន០១ ក្បាល,អត្តសញ្ញាណប័ណ្ណជនជាតិចិនចំនួន០១សន្លឹក,កាតធនាគារATM ចំនួន០៣សន្លឹក ,កាតបង្វិលលុយតាមអ៊ិនធើណិតលេខ ០២UFB ០១ ចំនួន០១សន្លឹក និងប្រាក់ដុលា្លរ ១,៨០០ ដុល្លារអាមេរិក។ ជនសង្ស័យទាំង៤ នាក់ និងវត្ថុតាង ត្រូវបានសមត្ថកិច្ច កសាងសំណុំរឿងបញ្ជូនទៅសាលាដំបូងរាជធានីភ្នំពេញ ដើម្បីចាត់ការតាមនីតិវិធី៕
https://youtu.be/WW2DfUcbcD4
ចែករំលែកព័តមាននេះ