ខេត្តកំពង់ធំ ៖ មានគ្រោះថ្នាក់ចរាចរណ៍មួយបានកើតឡើងដោយគោយន្តកែច្នៃបុកក្មេងស្រីម្នាក់ស្លាប់ដែលហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាពីវេលាម៉ោង៥និង៣០នាទីល្ងាច ថ្ងៃទី២៨ ខែឧសភា ឆ្នាំ២០១៨ ស្ថិតនៅលើកំណាត់ផ្លូវជាតិលេខ៦ ក្នុងភូមិគរ ឃុំចំណារលើ ស្រុកស្ទោង…
ខេត្តកំពង់ធំ ៖ មានគ្រោះថ្នាក់ចរាចរណ៍មួយបានកើតឡើងដោយគោយន្តកែច្នៃបុកក្មេងស្រីម្នាក់ស្លាប់ដែលហេតុការណ៍គ្រោះថ្នាក់ចរាចរណ៍ខាងលើនេះបានកើតឡើងកាពីវេលាម៉ោង៥និង៣០នាទីល្ងាច ថ្ងៃទី២៨ ខែឧសភា ឆ្នាំ២០១៨ ស្ថិតនៅលើកំណាត់ផ្លូវជាតិលេខ៦ ក្នុងភូមិគរ ឃុំចំណារលើ ស្រុកស្ទោង ខេត្តកំពង់ធំ ។
តាមប្រភពពីលោកវរសេនីយ៍ត្រី តាន់ ឆេង នឿន អធិការរងនគរបាលស្រុកស្ទោងទទួលផ្នែកសណ្តាប់ធ្នាប់ និងចរាចរណ៍ប្រាប់ថា ករណីគ្រោះថ្នាក់ចរាចរណ៍ខាងលើនេះបង្កឡើងដោយគោយន្ដកែច្នៃបុកអ្នកថ្មើរជើងរត់ឆ្លងកាត់ផ្លូវបណ្ដាលឱ្យស្លាប់ក្មេងស្រីម្នាក់ឈ្មោះ គន ស្រីពេជ្រ អាយុ៧ឆ្នាំ រស់នៅភូមិ-ឃុំកើតហេតុខាងលើ(ស្លាប់នៅកន្លែងកើតហេតុ) ។
បើយោងតាមការឲ្យដឹងពីកន្លែងកើតហេតុនិយាយថា នៅមុនពេលកើតហេតុក្មេងៗមួយក្រុមជាមួយ និងកុមារីរងគ្រោះកំពុងតែលេងទឹកនៅក្បែរនឹងចិញ្ចើមថ្នល់សុខៗស្រាប់តែនាងរត់ឆ្លងកាត់ថ្នល់ភ្លាមៗ គាប់ជួនគោយន្តកែច្នៃមកដល់ជាន់ហ្វ្រាំងមិនទាន់ក៏បុក និងកិនពីលើកុមារីចំចង្កេះបណ្តាលឲ្យជនរងគ្រោះស្លាប់នៅនឹងកន្លែងកើតហេតុ ឃើញដូច្នោះ អ្នកបើកបរគោយន្ដកែច្នៃបើកបរដោយឈ្មោះ ជៀក កឿ ភេទប្រុស អាយុ ២៨ឆ្នាំ នៅភូមិ-ឃុំកើតហេតុខាងលើក៏បានចុះរត់គេចខ្លួនបាត់ ។
លោកអធិការរងបញ្ជាក់ថា មូលហេតុបឋមនៃករណីគ្រោះខាងលើបង្កឡើងដោយអ្នកថ្មើរជើងរត់ឆ្លងកាត់ផ្លូវខ្វះការប្រុងប្រយ័ត្ន ។ សពកុមារីរងគ្រោះប្រគល់ជូនសាច់ញាតិយកទៅធ្វើបុណ្យតាមបករពៃណី ចំណែកគោយន្តយកមករក្សាទុកដើម្បីដោះស្រាយ ៕
ចែករំលែកព័តមាននេះ