ខេត្តកំពង់ចាម៖ ជម្លោះពាក្យសំដីរវាងប្អូនថ្លៃនិងបងថ្លៃ រហូតដល់តឹងសរសៃក ព្រោះតែលេងគប់មិនដាក់លុយ ប្អូនថ្លៃបានយកកាំបិតផ្គាក់មកកាប់ប្រហារបងថ្លៃត្រូវ២កាំបិត បណ្តាលឲ្យរងរបួសធ្ងន់ត្រូវបានបញ្ជូនមកកាន់មន្ទីរពេទ្យខេត្ត ។ ហេតុការណ៍នោះកើតឡើងនៅវេលាម៉ោង៥និង៣០នាទីល្ងាច ថ្ងៃទី២៨ ឧសភា…
ខេត្តកំពង់ចាម៖ ជម្លោះពាក្យសំដីរវាងប្អូនថ្លៃនិងបងថ្លៃ រហូតដល់តឹងសរសៃក ព្រោះតែលេងគប់មិនដាក់លុយ ប្អូនថ្លៃបានយកកាំបិតផ្គាក់មកកាប់ប្រហារបងថ្លៃត្រូវ២កាំបិត បណ្តាលឲ្យរងរបួសធ្ងន់ត្រូវបានបញ្ជូនមកកាន់មន្ទីរពេទ្យខេត្ត ។ ហេតុការណ៍នោះកើតឡើងនៅវេលាម៉ោង៥និង៣០នាទីល្ងាច ថ្ងៃទី២៨ ឧសភា ២០១៨ នៅភូមិក្តីបឹង ឃុំវិហរធំ ស្រុកកំពង់សៀម ។
លោកវរសេនីយ៏ត្រី ពេជ្រ គឹមស៊ា អធិការរងនគរបាលស្រុកកំពង់សៀម ទទួលផែនព្រហ្មទណ្ឌបានឱ្យដឹងថា នៅពេលមុនកើតហេតុ បុរសរងគ្រោះជាបងថ្លៃឈ្មោះ ម៉េត វ៉ាង អាយុ៣២ឆ្នាំ បាននាំគ្នាផឹកស៊ីមានគ្នាជាច្រើននាក់ ក្នុងនោះក៏មានប្អូនថ្លៃឈ្មោះ អឿន សៅ អាយុ២៧ឆ្នាំ បានផឹកជាមួយដែរ ដោយផឹករហូតដល់ស្រវឹងធ្លាក់ភ្នែករៀងៗខ្លួន ក៏បបួលគ្នាលេងគប់វង់ដាក់លុយដើម្បីទិញស្រាផឹក ។
លោកអធិការរងទទួលផែនព្រហ្មទណ្ឌបានបន្តថា ក្នុងពេលដែលលេងគប់វង់ដាក់លុយនោះមានគ្នាច្រើននាក់ចូលលេង ពេលនោះក៏មានការឈ្លោះប្រកែកគ្នាតឹងសរសៃករៀងៗខ្លួន ដោយចោទថា ប្អូនថ្លៃលេងមិនដាក់លុយ បានធ្វើបុរសជាប្អូនថ្លៃខឹងសម្បាបានស្ទុះទៅយកកាំបិតផ្គាក់មកកាប់ប្រហារលើបងថ្លៃត្រូវចំនួន២កាំបិតចំស្លាបប្រចៀវខាងឆ្វេង១កន្លែង និងចំកែងដៃឆ្វេង១កន្លែងទៀត បណ្តាលឲ្យរងរបួសធ្ងន់ ភ្លាមៗនោះប្អូនថ្លៃបានរត់គេចខ្លួនបាត់ ។ ចំណែកបុរសជាបងថ្លៃដែលរងរបួសធ្ងន់ ត្រូវបានសាច់ញាតិដឹកបញ្ជូនមកសង្គ្រោះបន្ទាន់នៅមន្ទីរពេទ្យខេត្ត។
លោកវរសេនីយ៍ត្រី ពេជ្រ គឹមស៊ា អធិការងនគរបាលស្រុកកំពង់សៀមបញ្ជាក់ថា បន្ទាប់ពីមានករណី
នេះកើតឡើង លោកអធិការនគរបាលស្រុកបានបញ្ជាឲ្យកម្លាំងជំនាញស្រុកនិងប៉ុស្តិ៍រដ្ឋបាលវិហារធំ
ចុះទៅស្រាវជ្រាវ ហើយសមត្ថកិច្ចបានសាកសួរជនរងគ្រោះដល់មន្ទីរពេទ្យខេត្ត ។ ក្នុងពេលដែលសួរនាំ ជនរងគ្រោះក៏បាននិយាយប្រាប់សមត្ថកិច្ចថា «ប្រសិនបើកាប់ត្រូវបងថ្លៃ២កាំបិត ហើយជួយដឹកបញ្ជូនមក
សង្គ្រោះនៅមន្ទីរពេទ្យ ម៉្លេះមិនខឹង» ។
ទោះបីជាជនរងគ្រោះមិនបានប្តឹងយ៉ាងណាក្តី ក៏បុរសជាប្អូនថ្លៃជាប់បណ្តឹងអាជ្ញា ដូច្នេះត្រូវតែតាមចាប់ជនសង្ស័យមកផ្តន្ទាទោសតាមច្បាប់ ៕
ចែករំលែកព័តមាននេះ