សារព័ត៌មានបរទេសកាលពីពេល ថ្មីៗផ្សាយថា ក្នុងរយៈពេល២-៣ឆ្នាំកន្លងមកមានបុរសជនជាតិចិនជាច្រើននាក់បានចូលរៀនពីវិធីសាស្ត្រទាក់ទង និងដើរកម្សាន្តជាមួយគូស្នេហ៍ដើម្បីបង្កើតទំនុកចិត្ត រួមទាំងជួយឲ្យបុរសនៅលីវអាចមានគូស្រករ ខណៈពេលអត្រានៃការរៀបការរបស់ពលរដ្ឋនៅក្នុងប្រទេសចិនបានថយចុះ ។ សម្រាប់ពាក្យ«Shengnan» ប្រែថា «បុរសសំណល់»សំដៅលើបុរសរកគូមិនបាន…
សារព័ត៌មានបរទេសកាលពីពេល ថ្មីៗផ្សាយថា ក្នុងរយៈពេល២-៣ឆ្នាំកន្លងមកមានបុរសជនជាតិចិនជាច្រើននាក់បានចូលរៀនពីវិធីសាស្ត្រទាក់ទង និងដើរកម្សាន្តជាមួយគូស្នេហ៍ដើម្បីបង្កើតទំនុកចិត្ត រួមទាំងជួយឲ្យបុរសនៅលីវអាចមានគូស្រករ ខណៈពេលអត្រានៃការរៀបការរបស់ពលរដ្ឋនៅក្នុងប្រទេសចិនបានថយចុះ ។
សម្រាប់ពាក្យ«Shengnan» ប្រែថា «បុរសសំណល់»សំដៅលើបុរសរកគូមិនបាន ដោយសារគោលនយោបាយមានកូនតែមួយដែលធ្លាប់ប្រើក្នុងការគ្រប់គ្រងចំនួនពលរដ្ឋនាពេលកន្លងមក ធ្វើឲ្យមានគម្លាតឆ្ងាយ គឺបុរសច្រើនជាងស្ត្រី ។ កាលពី២-៣ឆ្នាំមកនេះសាលារៀនមុខវិជ្ជាដើរកម្សាន្ត និងទាក់ទងនារីធ្វើជាគូស្នេហ៍បានរីកដុះដាលនៅក្នុងទីក្រុង ធំៗជាច្រើនដើម្បីឆ្លើយតបនឹងតម្រូវការក្នុងការរកគូស្រករ ។
រូបមន្តនៃការដើរកម្សាន្តមានបង្រៀនពីវិធីសាស្ត្រសុំលេខទូរស័ព្ទ រួមទាំងការសម្របខ្លួនឲ្យស្របនៅក្នុងសង្គម និងបង្កើតការពេញចិត្តដល់នារី ។ ក្នុងមួយវគ្គត្រូវបង់៣០ដុល្លារ ហើយបើចង់រៀនជាលក្ខណៈផ្ទាល់ខ្លួនមួយទល់ជាមួយគ្រូត្រូវចំណាយខ្ពស់ដល់ទៅ៤.៥០០ដុល្លារ ៕
ចែករំលែកព័តមាននេះ