សារព័ត៌មានរបស់ឥណ្ឌាផ្សាយថា បុរសម្នាក់នៅរដ្ឋចារ៉ាខាន ភាគខាងកើតប្រទេសឥណ្ឌាបានចុះលេងទឹកនៅក្នុងទន្លេមួយ ស្រាប់តែត្រូវដំរីព្រៃចុះប្រេងដេញជាន់ស្លាប់បាត់បង់ជីវិតកាលពីពេលថ្មីៗកន្លងមក ។ បុរសរងគ្រោះកំពុងលេងក្នុងទឹកទន្លេជាមួយមនុស្សម្នាជាច្រើននាក់ទៀត ស្រាប់តែមានដំរីព្រៃមួយហ្វូងចុះផឹកទឹក រួមជាមួយកូនដំរីផងដែរ ។ បុរសនោះមិនចាប់អារម្មណ៍ក៏ងូតទឹកបន្ត…
សារព័ត៌មានរបស់ឥណ្ឌាផ្សាយថា បុរសម្នាក់នៅរដ្ឋចារ៉ាខាន ភាគខាងកើតប្រទេសឥណ្ឌាបានចុះលេងទឹកនៅក្នុងទន្លេមួយ ស្រាប់តែត្រូវដំរីព្រៃចុះប្រេងដេញជាន់ស្លាប់បាត់បង់ជីវិតកាលពីពេលថ្មីៗកន្លងមក ។
បុរសរងគ្រោះកំពុងលេងក្នុងទឹកទន្លេជាមួយមនុស្សម្នាជាច្រើននាក់ទៀត ស្រាប់តែមានដំរីព្រៃមួយហ្វូងចុះផឹកទឹក រួមជាមួយកូនដំរីផងដែរ ។ បុរសនោះមិនចាប់អារម្មណ៍ក៏ងូតទឹកបន្ត ហើយដំរីឈ្មោលមួយក្បាលឃើញថា គេគំរាមកំហែងកូនរបស់វា ស្រាប់តែវាក៏ស្ទុះរត់សំដៅទៅវាយប្រហារ ។ ឃើញដូច្នេះបុរសរូបនោះក៏រត់ឡើងលើច្រាំង និងមានមនុស្សមួយចំនួនចូលជួយ ប៉ុន្តែពេលគេដួល ហើយដំរីរត់ចូល ចំណែកឯអ្នកស្រុកនាំគ្នារត់យករួចខ្លួន ។ ដំរីនោះក៏បានជាន់បុរសនោះតែម្ដង ។ ភ្លាមនោះអ្នកស្រុកបានយកដុំថ្មគប់ដុំដំរី ប៉ុន្តែវានៅតែធ្វើជាន់បន្ត បណ្ដាលឲ្យបុរសនោះស្លាប់បាត់បង់ជីវិត ។
អ្នកជំនាញផ្នែកសត្វព្រៃបញ្ជាក់ថា ដំរីជាសត្វស្លូត ប៉ុន្តែក្នុងរយៈពេលជាច្រើនឆ្នាំកន្លងមក រមែងកើតមានទំនាស់រវាងដំរីព្រៃ និងមនុស្ស ។ ដំរីនៅតែមានការចងចាំពីហេតុការណ៍ដែលហ្វូងរបស់វាត្រូវមនុស្សធ្វើបាប ដូច្នេះហើយនៅពេលជួបមនុស្សពួកវាក៏សងសឹកតែម្ដង ៕
ចែករំលែកព័តមាននេះ