អង់គ្លេស ៖ តាមប្រភពព័ត៌មាន Metro បានឲ្យដឹងថា ក្មេងជំទង់អាយុ១៤ឆ្នាំម្នាក់ត្រូវបានសាលាមិនឲ្យចូលរៀនដោយសារតែកាត់សក់ខុសពីវិន័យសាលា តែបើនិយាយតាមការមើលឃើញទៅគឺម៉ូដសក់នេះស្អាតបែបថ្លៃថ្នូរនៅក្នុងបរិបទសង្គមយើងសព្វថ្ងៃ ។
Casey Healy ដែលជាសិស្សនៅសាលា St Thomas More Language College ត្រូវបានសាលាបញ្ជូនមកផ្ទះនៅម៉ោង៩ព្រឹកកាលពីថ្ងៃអង្គារ ដោយពឹងលើហេតុផលថា មិនបានធ្វើតាមវិន័យសាលា ។ ម្តាយរបស់គេឈ្មោះ Charlotte Healy បាននិយាយថា ម៉ូដសក់នេះគឺមិនមែនជាសក់លាបពណ៌ ហើយក៏មិនមានអ្វីលើសឡើយ ។
អ្នកស្រីបានបន្តថា កូនប្រុសរបស់អ្នកស្រីជាសិស្សទៅរៀនជាប់តែពេលនេះដោយសារសាលាចាត់ទុកម៉ូដសក់របស់កូនគាត់ជាសក់ខុសវិន័យសាលា កូនគាត់ត្រូវមិនបានទៅរៀន២សប្តាហ៍ទម្រាំតែសក់ដុះវិញតាមវិន័យសាលា ។
គួរបញ្ជាក់ថា វិន័យរបស់សាលារៀនខាងលើបានចែងថា «ក្មេងប្រុសត្រូវតែកោរពុកមាត់ឲ្យស្អាត និងមានរូបរាងឲ្យថ្លៃថ្នូរ ។ មិនត្រូវឲ្យលាបចាហួយ ឬក្រមួនលើសក់ទេ ។ ម៉ូដសក់ត្រូវតែសមរម្យ និងត្រូវកាត់សក់ឲ្យស្មើគ្នា ។ សក់មិនត្រូវវែងពេក ឬខ្លីពេកឡើយ ។ សិស្សមិនត្រូវលាបសក់ពណ៌មករៀនឡើយ ។ ការច្នៃម៉ូដសក់ត្រូវបានហាមឃាត់» ៕
ចែករំលែកព័តមាននេះ