សហរដ្ឋអាមេរិកនិងចិន ៖ សហរដ្ឋអាមេរិកប្រកាសនាថ្ងៃទី២៣ ឧសភាថា បានដកការអញ្ជើញចិនចូលរួមក្នុង សមយុទ្ធយោធានៅប៉ាសីុហ្វិក ដើម្បីជាការតវ៉ាប្រឆាំងការធ្វើយោធូបនីយកម្មរបស់ចិនលើបណ្ដាកោះមានជម្លោះនៅសមុទ្រចិនខាងត្បូង ។ អ្នកនាំពាក្យម្នាក់របស់មន្ទីរប៉ង់តាហ្គោន លោក…
សហរដ្ឋអាមេរិកនិងចិន ៖ សហរដ្ឋអាមេរិកប្រកាសនាថ្ងៃទី២៣ ឧសភាថា បានដកការអញ្ជើញចិនចូលរួមក្នុង សមយុទ្ធយោធានៅប៉ាសីុហ្វិក ដើម្បីជាការតវ៉ាប្រឆាំងការធ្វើយោធូបនីយកម្មរបស់ចិនលើបណ្ដាកោះមានជម្លោះនៅសមុទ្រចិនខាងត្បូង ។
អ្នកនាំពាក្យម្នាក់របស់មន្ទីរប៉ង់តាហ្គោន លោក CHRIS LOGAN គូសបញ្ជាក់ថាយើងមានភស្ដុតាងច្បាស់នានា ពីរឿងដែលចិនដាក់ពង្រាយ បណ្ដាមីសីុលប្រឆាំងនាវាព្រមទាំងមីសីុលដី-អាកាសនិងប្រព័ន្ធរំខានអេឡិចត្រូនិក នៅលើកោះទាំងឡាយដែលមានជម្លោះ នៃប្រជុំកោះ SPRATLEYS នៅសមុទ្រចិនខាងត្បូង ។ លោកបន្តថាយើងបានដកការអញ្ជើញរបស់យើង ពីកងម៉ារីនចិនដើម្បីមកចូលរួម ក្នុងសមយុទ្ធ BIENNAL RIM OF THE PACIFIC ។
នោះជាសមយុទ្ធជើងទឹកធំបំផុតនៃពិភពលោក ដែលតែងធ្វើរៀងរាល់២ឆ្នាំម្ដងដោយមានការចូលរួមរបស់ប្រទេសជិត៣០ ។ សមយុទ្ធនោះនាឆ្នាំនេះគ្រោងធ្វើពីថ្ងៃទី២៧មិថុនាដល់ថ្ងៃទី២សីហា ។
អ្នកនាំពាក្យមន្ទីរប៉ង់តាហ្គោនបន្តថា ចិននៅតែអះអាងថា ការសាងសង់ទាំងនេះដើម្បី ធានាដល់សន្តិសុខក្នុងសមុទ្រ ជួយដល់ការធ្វើនាវាចរណ៍ រុករកនិងជួយសង្គ្រោះក្នុងសមុទ្រ ព្រមទាំងការពារពួកអ្នកនេសាទ ។
ចិនធ្លាប់ចូលរួម២លើកក្នុងសមយុទ្ធនោះនាគ្រាកន្លងមក គឺក្នុងឆ្នាំ២០១៤និង២០១៦ ។ រូចសមយុទ្ធលើកនេះបើសិនជាចិនចូលរួមជាលើកទី៣ ៕
ចែករំលែកព័តមាននេះ