កោះកុង ៖ ទឹកធ្លាក់ឆាយខ្ពស់ជាតំបន់ទេសចរណ៍ដ៏ប្រណិត តែគ្មានការយកចិត្តទុកដាក់ពីអាជ្ញាធរមានសមត្ថកិច្ចរមណីយដ្ឋានទឹកធ្លាក់មួយកន្លែងដ៏ប្រណិតកំពុងបង្អួតខ្លួនយ៉ាងស្រស់បំព្រង នៅកណ្តាលព្រៃភ្នំក្រមថ្ម តែក៏មានប្រជាពលរដ្ឋមួយគ្រួសារ តស៊ូរស់នៅយ៉ាងស្ងប់ស្ងាត់ដាច់ឆ្ងាយពីអ្នកភូមិ ដើម្បីថែទាំបោសសំអាតទីធ្លាមាត់ជ្រោះ និងលក់ដូរគ្រឿងឧបភោគបរិភោគខ្លះ ដើម្បីរកចំណូលផ្គត់ផ្គង់ជីវភាពប្រចាំថ្ងៃ…
កោះកុង ៖ ទឹកធ្លាក់ឆាយខ្ពស់ជាតំបន់ទេសចរណ៍ដ៏ប្រណិត តែគ្មានការយកចិត្តទុកដាក់ពីអាជ្ញាធរមានសមត្ថកិច្ចរមណីយដ្ឋានទឹកធ្លាក់មួយកន្លែងដ៏ប្រណិតកំពុងបង្អួតខ្លួនយ៉ាងស្រស់បំព្រង នៅកណ្តាលព្រៃភ្នំក្រមថ្ម តែក៏មានប្រជាពលរដ្ឋមួយគ្រួសារ តស៊ូរស់នៅយ៉ាងស្ងប់ស្ងាត់ដាច់ឆ្ងាយពីអ្នកភូមិ ដើម្បីថែទាំបោសសំអាតទីធ្លាមាត់ជ្រោះ និងលក់ដូរគ្រឿងឧបភោគបរិភោគខ្លះ ដើម្បីរកចំណូលផ្គត់ផ្គង់ជីវភាពប្រចាំថ្ងៃ ក្រៅពីនោះក៏មានដាំដំណាំរួមផ្សំជាច្រើនមុខទៀត ហើយក៏មានបន្ទប់ជួលស្នាក់អាស្រ័យតូចៗ ធ្វើពីឈើប្រក់ស្លឹកជញ្ជាំងក្តារ យ៉ាងកក់ក្តៅថែមទៀតផង ។
ដើម្បីបានស្គាល់ទីតាំងភូមិសាស្ត្រទឹកធ្លាក់ខាងលើនេះច្បាស់ កោះសន្តិភាពបានស្កាត់ទៅជួបអ៊ំប្រុសម្នាក់ ឈ្មោះ ឈួន មិន អាយុ៦៤ឆ្នាំ ជាអតីតមេឃុំនៅអំឡុងឆ្នាំ១៩៩០ លោកអ៊ំបានរៀបរាប់ថា ទឹកធ្លាក់ខាងលើ មានឈ្មោះថា «ទឹកធ្លាក់ឆាយខ្ពស់» ស្ថិតនៅក្នុងភូមិសាស្ត្រភូមិជាំស្លា ឃុំជីផាត ស្រុកថ្មបាំង ខេត្តកោះកុង ។
លោកអ៊ំបានបន្តទៀតថា ទឹកធ្លាក់ឆាយខ្ពស់មានប្រភពចេញពីជួភ្នំក្រវាញភាគខាងត្បូង ដោយហូរកាត់ព្រៃភ្នំក្រមថ្មរាប់រយគីឡូម៉ែត្រទើបមកដល់ទីនេះរួច ហូរធ្លាក់ទៅដៃសមុទ្រ គឺព្រែកជីផាតនេះឯង ។
សព្វថ្ងៃមានពលរដ្ឋមកលេងកកកុញ តែក្នុងរដូវបុណ្យទានប៉ុណ្ណោះ និងភាគច្រើនពលរដ្ឋក្នុងខេត្ត ។ សព្វថ្ងៃឃុំជីផាតប្រប្រជាពលរដ្ឋរស់នៅ៦៤០គ្រួសារ ប្រកបរបរធ្វើចម្ការ និងរកអនុផលព្រៃឈើ ។
លោកអ៊ំបានរៀបរាប់បង្ហាញទីតាំងទឹកធ្លាក់ខាងលើនេះទៀតថា វាស្ថិតនៅចន្លោះគីឡូម៉ែត្រ៤៥-៤៦ នៃកំណាត់ផ្លូវជាតិលេខ៤៨ ក្នុងភូមិព្រលានឃុំអណ្តូងទឹក ស្រុកបុទុមសាគរ រួចបត់ស្តាំ(បើមកពីភ្នំពេញ)ចូលតាមផ្លូវក្រាលគ្រួសក្រហម ចំងាយ១៨គីឡូម៉ែត្រ គឺមកដល់សាលាឃុំជីផាត និងមកដល់ទឹកធ្លាក់ឆាយខ្ពស់នេះហើយ ៕
ចែករំលែកព័តមាននេះ