ម៉ាស៊ីនឃោសនាក្នុងស្រុករាយការណ៍ថា រដ្ឋមន្ត្រីមហាផ្ទៃប៉ាគីស្ថាន លោករឺហ៍ម៉ាន់ ម៉ា លិក កាលពីថ្ងៃទី១៣ កុម្ភៈ បានស្នើដល់ពួកតាលីបង់ឱ្យប្រកាសពីបទឈប់បា.ញ់គ្នារយៈពេល៣០ថ្ងៃមួយប្រសិនបើពួកគេចង់ចរចាជាមួយរដ្ឋាភិបាល ។នោះគឺជាការឆ្លើយតបជាផ្លូវការរបស់រដ្ឋាភិបាលចំពោះសំណើចរចារបស់ពួកតាលីបង់ ។ ការវាយប្រហារទាំងឡាយរបស់ពួកតាលីបង់ បានសម្លា.ប់
ម៉ាស៊ីនឃោសនាក្នុងស្រុករាយការណ៍ថា រដ្ឋមន្ត្រីមហាផ្ទៃប៉ាគីស្ថាន លោករឺហ៍ម៉ាន់ ម៉ា លិក កាលពីថ្ងៃទី១៣ កុម្ភៈ បានស្នើដល់ពួកតាលីបង់ឱ្យប្រកាសពីបទឈប់បាញ់គ្នារយៈពេល៣០ថ្ងៃមួយប្រសិនបើពួកគេចង់ចរចាជាមួយរដ្ឋាភិបាល ។នោះគឺជាការឆ្លើយតបជាផ្លូវការរបស់រដ្ឋាភិបាលចំពោះសំណើចរចារបស់ពួកតាលីបង់ ។ ការវាយប្រហារទាំងឡាយរបស់ពួកតាលីបង់ បានសម្លាប់មនុស្សជិត៤០.០០០នាក់ ហើយក្នុងនោះរួមទាំងសមាជិកកងកម្លាំងសន្តិសុខផងរយៈពេល១០ឆ្នាំចុងក្រោយនេះ ។
លោកម៉ាលិកថ្លែងនៅទីក្រុងអីុស្លាម៉ាបាដថា រដ្ឋាភិបាលត្រៀមធ្វើការចរចាជាមួយពួកតាលីបង់ក្នុងលក្ខខណ្ឌដែលពួកគេប្រកាសពីបទឈប់បាញ់គ្នាមួយ ហើយចាត់តាំងបណ្តាឥស្សរជនសាសនាដែលមានទឹកចិត្តស្មោះសមកចូលរួមចរចា ដើម្បីឱ្យទទួលបានលទ្ធផលសំខាន់ៗ ។ លោកបន្តថា ប្រសិនបើពួកតាលីបង់ ពិតជាមានបំណងចាប់ផ្តើមការចរចា ពួកគេត្រូវប្រកាសពីបទឈប់បាញ់គ្នា ហើយបង្កើតក្រុមប្រឹក្សានៃបណ្តាអ្នកមានគតិបណ្ឌិត JIRGA មួយដែលរួមមានមនុស្សជាអ្នកចេះដឹងទាំងឡាយ ។ពួកតាលីបង់នៅពុំទាន់ឆ្លើយតបចំពោះសំណើថ្មីនេះរបស់រដ្ឋាភិបាលនៅឡើយ ក៏ប៉ុន្តែពួកគេធ្លាប់បានបដិសេធរួចហើយនូវការអំពាវនាវបែបនោះ ។
រដ្ឋមន្ត្រីមហាផ្ទៃប៉ាគីស្ថានថ្លែងទៀតថា ពួកតាលីបង់ត្រូវដឹងថា ប្រជាជនប៉ាគីស្ថានបានឃើញមុខមាត់ពិតរបស់ពួកគេ ហើយប្រជាជាតិនឹងមិនអត់អោនឱ្យពួកគេឡើយ ចំពោះការសម្លាប់បណ្តាពលរដ្ឋស្លូតត្រង់ ។ ពួកតាលីបង់ដំបូងត្រូវប្រកាសពីបទឈប់បាញ់គ្នាមួយសិនមុនពេលចរចា ។
អ្នកនាំពាក្យរបស់ពួកតាលីបង់ លោកអឺហ៍សានូលឡាហ៍ អឺហ៍សានក្នុងសារវីដេអូមួយផ្សាយតាមម៉ាស៊ីនឃោសនាកាលពីថ្ងៃទី៦ កុម្ភៈ កន្លងមកនេះ បានស្នើឱ្យមានការចរចាដោយមានលក្ខខណ្ឌមួយជាមួយរដ្ឋាភិបាលប៉ាគីស្ថាន ហើយឱ្យមានការធានា ចំពោះមេដឹកនាំនយោបាយ និងសាសនាប្រឆាំង៣រូប ក្នុងនោះរួមមានអតីតនាយករដ្ឋមន្ត្រី លោកណាវ៉ាស់ សារីហ្វ ផង ៕
ចែករំលែកព័តមាននេះ