ការឈឺបំពង់ក ឬរលាកបំពង់កដោយសារតែបាក់តេរីច្រើនតែជាអាការមួយធ្ងន់ ហើយការរលាករបស់វាអាចកើតឡើងនៅលើក្រអូមមាត់ដែលទន់ និងតំបន់ក្រពេញអាមីដាស។ បាក់តេរីដែលត្រូវបានគេសម្គាល់ឃើញជាដើមហេតុចំបងជាងគេលើករណីលាកបំពង់កនេះគឺស្ថិតក្នុងត្រកូល Streptococcus ដែលមានដូចជា Group A, Beta…
ការឈឺបំពង់ក ឬរលាកបំពង់កដោយសារតែបាក់តេរីច្រើនតែជាអាការមួយធ្ងន់ ហើយការរលាករបស់វាអាចកើតឡើងនៅលើក្រអូមមាត់ដែលទន់ និងតំបន់ក្រពេញអាមីដាស។ បាក់តេរីដែលត្រូវបានគេសម្គាល់ឃើញជាដើមហេតុចំបងជាងគេលើករណីលាកបំពង់កនេះគឺស្ថិតក្នុងត្រកូល Streptococcus ដែលមានដូចជា Group A, Beta Hemolyic, Stretptoccus Pyogenes ។
ការរលាកបំពង់កនេះភាគច្រើនកើតឡើងលើក្មេង តូចៗ និងមនុស្សវ័យជំទង់ ប៉ុន្តែវាអាចកើតឡើងលើក្មេងទើបតែចេះដើរ និងមនុស្សធំដែរ ។ ការរលាកបំពង់កបែបនេះគឺមានការឆ្លងខ្ពស់ណាស់ ហើយក៏មាននៅក្នុងមជ្ឈដ្ឋានជុំវិញខ្លួនច្រើនដែរ ជាពិសេសរដូវរងារតែម្តង ។ រោគសញ្ញា និងអាការរាងកាយនៃការរលាកបំពង់ករប្រហែលជាប្រែប្រួលទៅតាមអាយុ របស់អ្នកដែលមានជំងឺនេះ។
ការរលាកបំពង់ករដោយសារបាក់តេរីមានការឆ្លងខ្ពស់ ហើយភាគច្រើនគឺរាលដាលដោយផ្ទាល់ពីមនុស្សម្នាក់ទៅម្នាក់ទៀត ។ រយៈពេលសម្ងំរបស់ជំងឺនេះអាចពី២ទៅ៥ថ្ងៃ។ ផ្លូវដែលជំងឺនេះឆ្លងគឺតាមរយៈតំណក់ទឹកមាត់ដែលសាយភាពលើបរិយាកាស និងទឹកមាត់ដែលចេញពីអ្នកជំងឺផ្ទាល់ ។ ការប៉ះពាល់ស្និទ្ធស្នាលនឹងផ្តល់នូវភាពងាយស្រួលដល់បាក់តេរីនេះឆ្លងពីមនុស្សម្នាក់ទៅម្នាក់ទៀត ។
អ្នកជំនាញខាងជំងឺឆ្លងភាគច្រើនជឿថា អ្នកជំងឺម្នាក់មិនអាចចម្លងជំងឺនេះទៅអ្នកដទៃទៀតឡើយក្រោយពីព្យាបាលដោយប្រើថ្នាំផ្សះដ៏មានប្រសិទ្ធភាពរយៈពេល២៤ម៉ោងរួចហើយ ។
ការលាកបំពង់កដោយសារបាក់តេរីច្រើនតែនឹងស្រួលបួលមកវិញដោយខ្លួនឯងក្នុងរយៈពេល២ទៅ៥ថ្ងៃ ប៉ុន្តែអ្នកប្រហែលជាចាប់ផ្តើមមានអារម្មណ៍ល្អក្នុងរយៈពេលមួយថ្ងៃ ឬពីរថ្ងៃក្រោយពីចាប់ផ្តើមប្រើថ្នាំផ្សះ ។ ការរលាកបំពង់កដោយសារបាក់តេរីនេះនៅតែបន្តការចម្លងទៀតរយៈពេល២៤ម៉ោងដំបូងក្រោយពីចាប់ផ្តើមប្រើថ្នាំផ្សះរួច ដូច្នេះវាត្រូវបានគេណែនាំថា អ្នកគួរសម្រាកនៅផ្ទះ និងចៀសវាងការទៅរៀន ឬធ្វើការដើម្បីកុំឲ្យឆ្លងទៅអ្នកដទៃ ៕
ស្រង់ពីគេហទំព័រសុខភាព
ចែករំលែកព័តមាននេះ