ខេត្តរតនគិរី ៖ មានភ្លៀងផ្គរខ្យល់កន្ត្រាក់បាក់រលំផ្ទះប្រជាពលរដ្ឋមួយកន្លែងដែលសសររលំចំក្បាលបុរសម្នាក់ បណ្តាលឱ្យស្លាប់ពេលបញ្ជូនដល់មន្ទីរពេទ្យបង្អែកស្រុក ។ ហេតុការខ្យល់កន្ត្រាក់នេះបានកើតឡើងនៅវេលាម៉ោង៦និង៤០នាទីយប់ ថ្ងៃទី១៩ ខែឧសភា ឆ្នាំ២០១៨ នៅក្នុងភូមិព្រិល ឃុំបរខាំ ស្រុកអូរយ៉ាដាវ ខេត្តរតនគិរី ។
ជនរងគ្រោះដែលសសររលំត្រូវចំក្បាលនោះឈ្មោះ ចាន់ហ៊ល ភេទប្រុស អាយុ៥៦ឆ្នាំ ជនជាតិខ្មែរមានស្រុកកំណើតនៅភូមិខ្សំ ឃុំបន្ទាយដែក ស្រុកកៀនស្វាយ ខេត្តកណ្តាល ហើយបានមករស់នៅភូមិព្រិលឃុំបរខាំស្រុកអូរយ៉ាដាវខេត្តរតនគិរី ។
ប្រភពពីកន្លែងកើតហេតុបានឱ្យដឹងថា ពេលកើតហេតុជនរងគ្រោះគាត់នៅក្នុងរោងក្បែរសសរផ្ទះដែលបានលើកបញ្ឈរទុក ជារាងផ្ទះធំមាន តែជាគ្រោងមិនទាន់បានសង់ជាផ្ទះនៅឡើយទេ តែអកុសលស្របពេលមានភ្លៀងខ្យល់កន្ទ្រាក់ផង បានធ្វើឱ្យរោងរបស់គាត់ប៉ើងរហែកអស់ជនរងគ្រោះបានរត់ចេញពីខ្ទមបានចម្ងាយប្រហែល២ម៉ែត្រ ស្របពេលដែសសរផ្ទះនោះក៏បានធ្លាក់ពីលើមួយដើម និងឈើរបាជញ្ជាំងវាត់ត្រូវចំក្បាលខាងក្រោយ យ៉ាងដំណំ បណ្តាលរងរបួសយ៉ាងធ្ងន់ធ្ងររហូតបានដាច់ខ្យល់ស្លាប់នៅពេលបញ្ជូនទៅមន្ទីពេទ្យ បង្អែកស្រុកបរកែវ ។
ចំណែកសពជនរងគ្រោះត្រូវបានក្រុមគ្រួសារធ្វើបុណ្យតាមប្រពៃណីផងដែរ ៕
ចែករំលែកព័តមាននេះ