រាជធានីភ្នំពេញ ៖ ជនសង្ស័យ០៤នាក់ ទាំងអ្នកទិញ និងអ្នកចែកចាយគ្រឿងញៀនត្រូវបានកម្លាំងអន្តរាគមន៍ខណ្ឌពោធិ៍សែនជ័យល្បាតឃើញ និងឃាត់ខ្លួនកាលពីម៉ោង២៣និង០០នាទីយប់ ថ្ងៃទី១៩ ខែឧសភា ឆ្នាំ២០១៨ នៅចំណុចជាប់ក្លិបមីតណាយ…
រាជធានីភ្នំពេញ ៖ ជនសង្ស័យ០៤នាក់ ទាំងអ្នកទិញ និងអ្នកចែកចាយគ្រឿងញៀនត្រូវបានកម្លាំងអន្តរាគមន៍ខណ្ឌពោធិ៍សែនជ័យល្បាតឃើញ និងឃាត់ខ្លួនកាលពីម៉ោង២៣និង០០នាទីយប់ ថ្ងៃទី១៩ ខែឧសភា ឆ្នាំ២០១៨ នៅចំណុចជាប់ក្លិបមីតណាយ ផ្លូវវ៉េងស្រេង ភូមិត្រពាំងថ្លឹង សង្កាត់ចោមចៅ១ ខណ្ឌពោធិ៍សែនជ័យ ។
ជនសង្ស័យទាំង៤នាក់ខាងលើមិនត្រូវបានស្គាល់ឈ្មោះទេ ក្រោយពីចាប់យកមកដល់ប៉ុស្តិ៍
សមត្ថកិច្ចមិនឲ្យអ្នកព័ត៌មានសាកសួរឡើយ ។
បើតាមសម្តីកម្លាំងអន្តរាគមន៍ខណ្ឌបានប្រាប់ថា មុនឃាត់ខ្លួនក្រុមសង្ស័យ ខណៈកម្លាំងល្បាតមកដល់មុខក្លិប ស្រាប់តែឃើញក្រុមជនសង្ស័យកំពុងចែកចាយគ្រឿងញៀន ដោយម្ខាងហុចថ្នាំ និងម្ខាងទៀតហុយលុយ ពេលឃើញដូចនេះសមត្ថកិច្ចក៏ចូលឃាត់ខ្លួនបានទាំងអ្នកចែកចាយ និងអ្នកទិញ០៤នាក់ ព្រមទាំងដកហូតបានក្រាមសថ្លា មួយកញ្ចប់ ថង់ធំ សង្ស័យជាថ្នាំញៀនក្រោយពីឃាត់ហើយបានបញ្ជូនយកទៅធ្វើការសាកសួរនៅប៉ុស្តិ៍នគរបាលរដ្ឋបាលចោមចៅទី១ ។
ពាក់ព័ន្ទករណីឃាត់ខ្លួនជនសង្ស័យខាងលើនេះអ្នកព័ត៌មានមិនត្រូវបានអនុញាតិសាកសួរព័ត៌មានឡើយ ៕
ចែករំលែកព័តមាននេះ