រាជធានីភ្នំពេញ ៖ ការប្រកួតប្រដាល់អន្តរជាតិនៅលើសង្វៀនទូរទស្សន៍MyTVនាថ្ងៃសុក្រ ទី១៨ ឧសភា នេះ កីឡាករជើងខ្លាំងកម្ពុជា២រូបត្រូវបានគេផ្គូផ្គងឱ្យជួបប្រកួតជា មួយកីឡាករបរទេស ។ អ្នកនិយមទស្សនាកីឡាប្រដាល់ភាគច្រើនកំពុងតែទន្ទឹងរង់ចាំមើលថាតើកីឡាករកម្ពុជាទាំង២រូបនេះសម្រេចគោលដៅរបស់ខ្លួនឬយ៉ាងណា…
រាជធានីភ្នំពេញ ៖ ការប្រកួតប្រដាល់អន្តរជាតិនៅលើសង្វៀនទូរទស្សន៍MyTVនាថ្ងៃសុក្រ ទី១៨ ឧសភា នេះ កីឡាករជើងខ្លាំងកម្ពុជា២រូបត្រូវបានគេផ្គូផ្គងឱ្យជួបប្រកួតជា
មួយកីឡាករបរទេស ។ អ្នកនិយមទស្សនាកីឡាប្រដាល់ភាគច្រើនកំពុងតែទន្ទឹងរង់ចាំមើលថាតើកីឡាករកម្ពុជាទាំង២រូបនេះសម្រេចគោលដៅរបស់ខ្លួនឬយ៉ាងណា ខណៈកីឡាករបរទេសដែលពួកគេត្រូវជួបនាពេលនេះហាក់មានសមត្ថភាពពិបាកផ្ដួលអ៊ីចឹងនោះ។
ការប្រកួតដែលចាប់ផ្ដើមធ្វើនៅម៉ោង៨យប់នេះកីឡាករកម្ពុជាមាស សុជាតិ មកពីក្លិបឃ្លាំងមឿងកីឡាខេត្តពោធិសាត់ ដែលមានប្រវត្តិប្រកួត៨០ដង ឈ្នះ៦៥ដង ស្មើ១ដង ចាញ់១៤ដង និងផ្ដួលគូប្រកួតឱ្យសន្លប់២១ដង ត្រូវជួបប្រកួតជាមួយកីឡាករឡាវឈ្មោះឆានឆ័យ ស៊ីត.ស.ថ.ណាក់រ៉ុង ក្នុងប្រភេទទម្ងន់៦៧គីឡូក្រាម។
កីឡាករឡាវរូបនេះមានប្រវត្តិប្រកួត៩៥ដង ឈ្នះ៦៣ដង ស្មើ៣ដង ចាញ់២៨ដង និងធ្លាប់ផ្ដួលគូប្រកួតឱ្យសន្លប់១១ដង ។ ចាំមើល មាស សុជាតិ អាចយកឈ្នះកីឡាករជើងខ្លាំងឡាវរូបនេះបានដោយរបៀបណា? ខណៈអ្នកធ្លាប់តាមដានការប្រកួតភាគច្រើនមិនសូវមានជំនឿចិត្តលើមាស សុជាតិប៉ុន្មានទេដោយសារថ្វីដៃ ប្រកួតម្ដងខ្លាំងម្ដងខ្សោយពុំមានស្ថិរភាពទាល់ តែសោះ ដូច្នេះបើចង់ដឹងនរណាខ្លាំងជាងនរណាមានតែរង់ចាំមើលការប្រកួតជាក់ស្ដែងប៉ណ្ណោះ។
ចំណែកវេង សុភ័ក្ត្រ មកពីក្លិបកងពលតូចទ័ពពិសេសឆត្រយោង៩១១ មានប្រវត្តិប្រកួត
៥៨ដង ឈ្នះ៤៨ដង ស្មើ១ដង ចាញ់៩ដង និងផ្ដួលគូប្រកួតឱ្យសន្លប់១៦ដង ត្រូវជួបប្រកួតជាមួយកីឡាករថៃឈ្មោះតម្រួតឡេក ធីដេតឡូងើន ក្នុងប្រភេទទម្ងន់៦៣,៥គីឡូក្រាម។
កីឡាករថៃរូបនេះមានប្រវត្តិប្រកួត៩០ដង ឈ្នះ៧២ដង ស្មើ៣ដង ចាញ់១៥ដង និងផ្ដួលគូប្រកួតឱ្យសន្លប់១៤ដង ។ ការប្រកួតលើកនេះ បើវេង សុភ័ក្ត្រ ហ៊ានតែប្រហែសបន្តិចច្បាស់ជាស៊យធំមិនខាន ព្រោះកីឡាករថៃរូបនេះគឺជាជើងខ្លាំងពិតៗធ្លាប់ផ្ដួលជើងខ្លាំងកម្ពុជាយើងមិនតិចនាក់ទេនាពេលកន្លងមក។
ដោយឡែកសម្រាប់គូមិត្តភាពរវាងកីឡាករកម្ពុជានិងកម្ពុជាវិញមាន កីឡាករ ពុទ្ធ ភារិន
មកពីក្លិបពុទ្ធសេរីវង្សពោធិសែនជ័យ ត្រូវជួបប្រកួតជាមួយកីឡាករ រឿន ឈី មកពីក្លិបគុហារព្រហ្មជ័យ និងកីឡាករ ប្រាក់ ស៊ីណាតមកពីក្លិបតាឯកខេត្តព្រៃវែង ត្រូវជួបប្រកួតជាមួយកីឡាករ ឡុង ខេត្ត មកពីក្លិបខ្លារខិនមានរិទ្ធ៕
ចែករំលែកព័តមាននេះ