រាជធានីភ្នំពេញ ៖ «ជនបរទេសធ្វើការក្នុងប្រទេសកម្ពុជាមានជាង១៩ម៉ឺននាក់ អ្នកបានធ្វើបណ្ណ័ការងារក្នុងឆ្នាំ២0១៧បានចំនួន៥៧០០០នាក់ និងឆ្នាំ២០១៨បានជាង៧ម៉ឺននាក់ គិតត្រឹមថ្ងៃទី៤ ឧសភា ២០១៨»។ នេះជាប្រសាសន៍របស់លោកនាយឧត្តមសេនីយ៍សន្តិបណ្ឌិត សុខ ផល អគ្គនាយកអន្តោប្រវេសន៍ថ្លែងក្នុងពិធីប្រគល់រថយន្តចំនួន៨គ្រឿង ដល់នាយកដ្ឋានជនបរទេសអន្តោប្រវេសន៍ជាអ្នកវិនិយោគឯកជន សំរាប់ជាមធ្យោបាយបំរើការងារជំនាញ កាលថ្ងៃទី១៧ ខែឧសភា ឆ្នាំ២០១៨ ។
លោកនាយឧត្តមសេនីយ៍សន្តិបណ្ឌិត សុខ ផល អគ្គនាយកអន្តោប្រវេសន៍ បានមានប្រសាសន៍ទៀតថា រថយន្តចំនួន៨គ្រឿង ដែលផ្តល់ជូននាយកដ្ឋានជនបរទេសអន្តោប្រវេសន៍ជាអ្នកវិនិយោគឯកជន សំរាប់ជាមធ្យោបាយបំរើការងារជំនាញ ។ លោកបានមានប្រសាសន៍បន្តទៀតថា ការប្រគល់រថយន្តជាមធ្យោបាយនាពេលនេះជាគឺការខិតខំរបស់បងប្អូនរបស់យើង និងអគ្គនាយដ្ឋានទាំងមូលដើម្បីជាមធ្យោបាយបំរើការងារ ហើយកិច្ចការបែបនេះមិនមែនជាកិច្ចការដំបូងរបស់អគ្គនាយកដ្ឋានអន្តោប្រវេសន៍ទេគឺបានធ្វើឡើងតាំងពីឆ្នាំ២០១៤មកម៉្លេះ យើងខិតខំរកមធ្យោបាយបំពាក់ជូនបងប្អូនយើងនៅតាមបណ្តាអង្គភាពដែលចាំបាច់ ដូចជានាយកដ្ឋានស៊ើបអង្កេត និងអនុវត្តនីតិវិធី និងនៅតាមបណ្តាការិយាល័យអន្តោប្រវេសន៍នៃស្នងការដ្ឋាននគរបាលរាជធានី-ខេត្ត នៅតាមផ្នែកអន្តោប្រវេសន៍ចំណុះស្រុក ខណ្ឌ គឺអគ្គនាយដ្ឋានអន្តោប្រវេសន៍ បានប្រមូលផ្តុំគ្នា ឯកភាពគ្នា តាមលទ្ធភាពរបស់យើងដើម្បីដោះស្រាយការងារចាំបាច់ចំពោះមុខឲ្យបានទាន់ពេលវេលា ក្នុងនោះនៅតាមស្រុក អគ្គនាយកដ្ឋានអន្តោប្រវេសន៍បានប្រគល់កុំព្យូទ័រ និងនៅតាមខេត្ត-រាជធានីបានប្រគល់រថយន្ត និងម៉ូតូ។
ទន្ទឹមនឹងនេះដែរ ក្រសួងមហាផ្ទៃ ក៏ដូចជាអគ្គនាយកដ្ឋានអន្តោប្រវេសន៍ក៏បានដោះស្រាយទីតាំងអគារស្នាក់នៅ អគាររដ្ឋបាលសំរាប់ធ្វើការងារនៅតាមបណ្តាប៉ុស្តិ៍ច្រកទ្វារព្រំដែនអន្តរជាតិសំខាន់ៗមួយចំនួន និងបានរៀបចំកន្លែងឃុំខ្លួនបណ្តោះអាសន្ន ដើម្បីត្រៀមបញ្ជូនចេញជាដើម។
រាជរដ្ឋាភិបាលកម្ពុជា ក្រសួងមហាផ្ទៃ អគ្គនាយកដ្ឋានអន្តោប្រវេសន៍ បានធ្វើការដោះស្រាយបញ្ហាជនបរទេសអន្តោប្រវេសន៍ជិត២០ម៉ឺននាក់ដែលរស់នៅក្នុងព្រះរាជាណាចក្រកម្ពុជា ហើយយើងបានគោលការណ៍ឯកភាពចុងក្រោយគឺចុះអនុវត្តអនុក្រឹត្រលេខ ១២៩ អនក្របក ក្នុងការចុះដកហូតឯកសាររដ្ឋបាលកម្ពុជាមិនប្រក្រតីនានាដែលជនបរទេសបានកំពុងកាន់កាប់ដោយខុសច្បាប់ក្នុងរយៈពេលជាង៣០ឆ្នាំ ដែលនេះជាកិច្ចការមួយដំណើការបានរហូតដល់ពេលឥឡូវនេះយើងបានធ្វើការដកហូតបានប្រហែលជិត៥០%ហើយ ពិសេសការអនុវត្តច្បាប់អន្តោប្រវេសន៍ យើងបានពិនិត្យលើពាក្យសុំជាជនបរទេសអន្តោប្រវេសន៍ដែលកំពុងដំណើរការ ហើយការងារធំមួយទៀតគឺយើងបានអនុវត្តនីតិវិធីក្នុងការឃាត់ខ្លួន និងចាប់បណ្តេញចេញទៅវិញ និងបញ្ជូនទៅតុលាការនូវជនល្មើសនានាជាច្រើនសញ្ជាតិ គិតមកដល់ឥឡូវនេះជាង១០០សញ្ជាតិដែលយើងបានបណ្តេញចេញបានជាង១៤៤១៩នាក់៕
ចែករំលែកព័តមាននេះ