រាជធានីភ្នំពេញ ៖ បុរសម្នាក់អត់ស្រួលខ្លួនចូលកោសជប់និយាយត្រូវរ៉ូវគ្នាជាមួយអ្នកកោសជប់រួមភេទរួចហើយបង់លុយកាក់ជិះម៉ូតូចេញទៅចាក់សាំងទើបដឹងបាត់លុយអស់៨ម៉ឺនរៀលបានត្រឡប់មកវិញសួរនាំ ស្ត្រីម៉ាស្សាប្រកែកថា មិនបានយកទេ ទាល់តែសមត្ថកិច្ចមកជួយអន្តរាគមន៍ទើបព្រមឲ្យលុយគ្រប់ចំនួនវិញ ដែលហេតុការណ៍នេះបង្កឲ្យមានការភ្ញាក់ផ្អើលកាលពីវេលាម៉ោង២និង៣០នាទីរំលងអធ្រាត្រឈានចូលថ្ងៃទី១៥ ខែឧសភា ឆ្នាំ២០១៨ ដែលមានទីតាំងស្ថិតនៅតាមបណ្ដោយទំនប់កប់ស្រូវ ភូមិសំរោង សង្កាត់សំរោងក្រោម ខណ្ឌពោធិ៍សែនជ័យ ។
តាមសំដីបុរសម្នាក់ដែលជាជនរងគ្រោះសុំមិនបញ្ចេញឈ្មោះបាននិយាយថា មុនពេលកើតហេតុរូបគាត់មិនសូវស្រួលខ្លួនក៏បានដាច់ចិត្តចូលទៅកោសជប់នៅហាងម៉ាស្សាយីហោ១៦៨ តំលៃ៣ដុល្លារ ខណៈចូលបន្ទប់កោសជប់ស្ត្រីម៉ាស្សាបានឲ្យគាត់ដោះសំលៀកបំពាក់ព្យួរនៅជញ្ជាំងរួចឲ្យគាត់ស្លៀកកន្សែងហើយឲ្យដេកផ្កាប់មុខដើម្បីកោសជប់ ។
ប្រភពដដែលបានបន្តទៀតថា ខណៈកំពុងតែដេកផ្កាប់មុខកោសជប់នោះស្រាប់តែមានសម្លេងគោះទ្វារហើយស្ត្រីម៉ាស្សាខាងលើបានដើរចេញទៅហើយគាត់មិនបានចាប់អារម្មណមើលទៅស្ត្រីម៉ាស្សានោះទេ គឺនៅតែដេកផ្កាប់មុខដដែល ។ បន្ទាប់មកទើបស្ត្រីម៉ាស្សាចូលមកកោសជប់បន្តទៀតបានគ្នាចុះឡើងគាត់ក៏បានសួរទៅស្ត្រីម៉ាស្សាថា រួមភេទអត់? ស្ត្រីម៉ាស្សាបានឆ្លើយថា រួមភេទតាបង តែថែមលុយចំនួន៦ម៉ឺនរៀលទៀត ពេលនោះបុរសខាងលើបានសុំចុះត្រឹម៥ម៉ឺនរៀលស្ត្រីរូបនោះក៏យល់ព្រម ។ ពេលដែលកោសជប់រួចរាល់ហើយក៏បានបើកប្រតិបត្តិការបានសម្រេចហើយក៏បានឲ្យលុយទៅស្ត្រីម៉ាស្សាដូចការ និយាយចរចាគ្នា ប៉ុន្តែដោយមានចិត្តអាណិតអាសូរក៏បានឲ្យនាងថែមចំនួន៤ពាន់រៀលទៀត ។
បុរសដដែលបានបន្តទៀតថា បន្ទាប់ពីចប់ការងារអស់ហើយគាត់ក៏បានជិះម៉ូតូចេញទៅចាក់សាំងស្រាប់តែឃើញមានលុយនៅក្នុងកាបូបតែ៣ម៉ឺនរៀលដឹងថា បាត់លុយអស់៨ម៉ឺនរៀល ព្រោះលុយនៅក្នុងកាបូបរបស់គាត់មានជាង១០ម៉ឺនរៀលក៏បានជិះម៉ូតូទៅសួរនាំស្ត្រីម៉ាស្សាខាងលើវិញ តែស្ត្រីម៉ាស្សានោះបានប្រកែកថា មិនបានយកលុយទេ គាត់ក៏ជិះទៅប្តឹងនៅប៉ុស្តិ៍នគរបាលចោមចៅ៣ ប៉ុន្តែសមត្ថកិច្ចសួរនាំដឹងថា មិនមែនជាទឹកដីរបស់ខ្លួនក៏បានប្រាប់ឲ្យទៅប៉ុស្តិ៍នគរបាលសំរោងក្រោមវិញ ។
ពេលទៅដល់ប៉ុស្តិ៍នគរបាលសំរោងបានសួរនាំដឹងថា ទីតាំងម៉ាស្សាកោសជប់ខាងលើនេះប្រមាណជាងមួយខែមុននេះបានលួចលុយភ្ញៀវចំនួន៤៥០ដុល្លារម្តងរួចហើយ ត្រូវជនរងគ្រោះប្តឹងសមត្ថកិច្ចចុះទៅជួយអន្តរាគមន៍ផ្ទះម៉ាស្សានោះបានសងចំនួន៣៥០ដុល្លារវិញ ។
ដោយឡែកជនរងគ្រោះបាត់លុយអស់៨ម៉ឺនរៀលត្រូវបានសមត្ថកិច្ចជូនទៅកន្លែងកើតហេតុធ្វើការសួរនាំមុនដំបូងស្ត្រីម៉ាស្សាបានប្រកែកថា អត់បានយកទេ តែចុងក្រោយបានយល់ព្រមសងលុយជនរងគ្រោះវិញចំនួន៨ម៉ឺនរៀលបញ្ចប់រឿង ៕
ចែករំលែកព័តមាននេះ