១២​នាក់​… ខ្លះខ្ទាតចេញក្រៅតាមកញ្ចក់ ខ្លះទៀតកៀបជាប់ឡាន​


ខេត្តស្ទឹងត្រែង ៖ យ៉ាង​ហោច​ណាស់ ​មាន​មនុស្ស​ប្រុស​-ស្រី​ចំនួន​៣​នាក់ ​បាន​ស្លាប់​នៅ​កន្លែង​កើតហេតុ​ និង​
៨​នាក់​ផ្សេង​ទៀត​ រង​របួសធ្ងន់​ក្នុង​ហេតុការណ៍​គ្រោះថ្នាក់​ចរាចរណ៍​លើ​កំណាត់​ផ្លូវជាតិ​លេខ​៩ ​ក្នុងភូមិ​ឆ្នាំង ឃុំ​សំអាង ស្រុក​ថា​ឡា​បរិ​វ៉ា​ត់ កាលពី​រសៀល​ម៉ោង​០១ និង​០៥​នាទី​ថ្ងៃ​ទី១២ ឧសភា ដោយ​រថយន្ត​បែក​
កង់ ។

គ្រោះថ្នាក់​ចរាចរណ៍​ខាងលើ​ ត្រូវ​បាន​ប្រភព​ព័ត៌មាន​រាយការណ៍​ឱ្យ​ដឹង​ថា ហេតុការណ៍​នេះ​ មាន​មនុស្ស​ស្លាប់និង​របួស​ច្រើន​នាក់ ខណៈ​រថយន្ត​ដឹក​អ្នកដំណើរ​ម៉ាក​ស៊ី​ណា ​ដែល​បើកបរ​ក្នុង​ទិស​ដៅ​ពី​ជើង​មក​​ត្បូង លុះដល់​ចំណុច​កើតហេតុ​ស្រាប់តែ​ផ្ទុះ​កង់​ បណ្តាល​ឱ្យ​រេ​ចង្កូត​ក្រឡាប់​ទៅ​បុក​ផ្ទះ​មួយ​ខ្នង​ ដែល​នៅ​ក្បែរផ្លូវ​ជា​ផ្ទះ​ដាក់​ឈើ​បំរុង​ធ្វើ​ផ្ទះ​ថ្មី ។ ពេល​បុក​នោះ​ ជន​រង​គ្រោះ​នៅ​ក្នុង​រថយន្ត ខ្លះ​បាន​ខ្ទាត​ចេញ​មក​ក្រៅ​តាម​កញ្ចក់​បណ្តាល​ឱ្យ​ស្លាប់ និង​ខ្លះ​ទៀត​ត្រូវ​កៀប​ជាប់​ក្នុង​រថយន្ត ។ តាម​ព័ត៌មាន​ថា ជន​រង​គ្រោះ​ក្នុង​ឧប្បត្តិ​​​ហេតុនេះ​ បាន​បាត់បង់​ជីវិត​៣​នាក់ ក្នុង​នោះ​មាន​បុរស​ពីរ​នាក់ និង​ស្ត្រី​ម្នាក់ ។

ប្រភព​ព័ត៌មាន​ពី​មន្ត្រី​កងរាជអាវុធហត្ថ​ស្រុក​ថា​ឡា​បរិ​វ៉ា​ត់​ឱ្យ​ដឹង​ថា មាន​មនុស្ស​ចំនួន​១២​នាក់​ រួម​ទាំង​អ្នក​បើកបរ​បាន​ធ្វើ​ដំណើរ​ចេញពី​ខេត្តព្រះវិហារ​ ឆ្លងកាត់​ខេត្តស្ទឹងត្រែង និង​បន្ត​គោលដៅ ​ឆ្ពោះទៅ​ខេត្តរតន
គិរី ។ លុះ​មក​ដល់​ចំណុច​កើតហេតុ​ រថយន្ត​បាន​ផ្ទុះ​កង់​បង្ក​ឱ្យ​រេ​ចង្កូត​ក្រឡាប់ ទៅ​បុក​ផ្ទះ​មួយ​ខ្នង​ដែល​សង់​អែប​ផ្លូវ ។ មន្ត្រី​កងរាជអាវុធហត្ថ​ដដែល​បន្ត​ថា គ្រា​កើតហេតុ​មាន​ជន​រង​គ្រោះ​៣​នាក់​ស្លាប់​នៅ​នឹង​កន្លែង និង​៨​នាក់​ទៀត​រង​របួសធ្ងន់​ត្រូវ​បាន​ជួយ​សង្គ្រោះ​ដឹក​ចេញពី​រថយន្ត និង​បញ្ជូន​ទៅ​សង្គ្រោះ​បន្ទាន់​នៅ​មន្ទីរ​ពេទ្យ​បង្អែក​ខេត្ត ។

យោង​តាម​ប្រភព​ព័ត៌មាន​ពី​អ្នកបើកបរ​រថយន្ត​ដឹក​អ្នកដំណើរ​ឱ្យ​ដឹង​ថា រថយន្ត​ខាងលើ បាន​ចេញដំណើរ​ពី​ខេត្តព្រះវិហារ​ឆ្លងកាត់​ខេត្តស្ទឹងត្រែង និង​បន្ត​ទៅ​ខេត្តរតនគិរី​ដោយ​មាន​ភ្ញៀវ​ប្រុស​ស្រី​ចំនួន​១១​នាក់ ។ ប្រភព​ដដែល​បន្ត​ថា រថយន្ត​ខាងលើ​នេះ​ពេល​បើក​ចេញពី​ខេត្តព្រះវិហា​មក​កាន់​ខេត្តស្ទឹង​ត្រែង​បាន​ផ្ទុះ​កងបែក​មួយ​គ្រាប់​ខាងស្តាំ​ម្តង​រួច​ទៅ​ហើយ តែ​មិន​បង្ក​ឱ្យ​មាន​គ្រោះថ្នាក់​នោះ​ទេ ។ បន្ទាប់​ពី​ផ្លាស់​ប្តូរ​កង់​សា​គួរ​រួច ក៏​ធ្វើ​ដំណើរ​បន្ត​ជា​ធម្មតា ។ លុះដល់​ចំណុច​កើតហេតុ ស្រាប់តែ​ផ្ទុះ​កង់​ដែល​បាន​ដូរ​នោះ​ទៀត ទើប​បណ្តាល​ឱ្យ​ក្រឡាប់​តែ​ម្តង ខណៈ​រថយន្ត​បើក​ក្នុង​ល្បឿន​លឿន ។

មន្ត្រី​នគរបាល​ចរាចរណ៍​ដដែល​បន្ត​ថា រថយន្ត​ដែល​រងគ្រោះថ្នាក់​ខាងលើ​នោះ​ជា​ប្រភេទ​រថយន្ត​ដឹក​អ្នក​ដំណើរ​ម៉ាក​ស៊ី​ណា ពណ៌​ទឹកប្រាក់ ពាក់​ផ្លា​ក​លេខ​កំពង់ធំ​២B-៧៦៧៨ ។ ជន​រង​គ្រោះ​ចំនួន​៣​នាក់​ដែល​ស្លាប់ ទី​១-​ឈ្មោះ ផ​ន គុំ​ភុ​ម ភេទ​ប្រុស អាយុ​៥៣​ឆ្នាំ ២-​ឈ្មោះ រឿ វីត ភេទ​ប្រុស អាយុ​៣៨​ឆ្នាំ ៣-​ជា​ស្រី្ត​មិន​ទាន់​ស្គាល់​អត្តសញ្ញាណ​នៅឡើយ​ទេ ។ ចំណែក​អ្នក​រួម​ដំណើរ​៨​នាក់​ទៀត​បាន​រង​របួសធ្ងន់ រីឯ​អ្នកបើក​បរ​រថយន្ត​បាន​រត់គេច​ខ្លួន​បាត់​មិនដឹង​ថារ​ត់ទៅ​ពេទ្យ ឬ​ក៏​ដាក់​មេ​ប្រូច​យករួចខ្លួន​ក៏​មិនដឹង​ច្បាស់​ដែរ ។

ក្រោយ​កើតហេតុ​កម្លាំង​សមត្ថកិច្ច​រួម​មាន​កម្លាំង​នគរបាល​ប៉ុស្តិ៍​រដ្ឋបាល​ឃុំ​សំអាង កម្លាំង​នគរបាល​អធិ​ការដ្ឋាន​នគរបាល​ស្រុក​ថា​ឡា​បរិ​វ៉ា​ត់ កម្លាំង​នគរបាល​ចរាចរណ៍​ជើង​គោក​ស្នងការដ្ឋាន​នគរបាល​ខេត្តស្ទឹង​ត្រែង កម្លាំង​កងរាជអាវុធហត្ថ​ស្រុក​បាន​ចុះ​ជួយ​អន្តរាគមន៍​សម្រួល​ដល់​ការ​ធ្វើ​ចរាចរណ៍ និង​ជួយ​បញ្ជូន​ជន​រង​គ្រោះ​ទៅ​កាន់​មន្ទីរពេទ្យ និង​ស្រាវជ្រាវ​រក​អត្តសញ្ញាណ​ក្រុម​គ្រួសារ​ជន​រង​គ្រោះ​មក​ទទួល​សព​យក​ទៅ​ធ្វើបុណ្យ​តាម​ប្រពៃណី ៕

Facebook Google Twitter Email

ចរាចរណ៍

អត្រាប្តូរប្រាក់

អត្រាប្តូរប្រាក់ផ្សេងទៀត

Live

Sponsored News

ការស្ទង់មតិគេហទំព័រថ្មី




សូម​អរគុណ