អគ្គិភ័យឆាបឆេះបន្ទប់ APARTMENT មួយកន្លែង
- ភ្នំពេញ
រាជធានីភ្នំពេញ ៖ បន្ទប់ APARTMENT យីហោ ស្រីមុំ សាន់ រាយន៍ មួយកន្លែង បណ្តាលមកពីម្ចាស់បន្ទប់បើកម៉ាស៊ីនកំដៅនំចោល…
រាជធានីភ្នំពេញ ៖ បន្ទប់ APARTMENT យីហោ ស្រីមុំ សាន់ រាយន៍ មួយកន្លែង បណ្តាលមកពីម្ចាស់បន្ទប់បើកម៉ាស៊ីនកំដៅនំចោល ហើយភ្លេចបិទម៉ាស៊ីន រួចហើយនាំគ្នាចេញទៅក្រៅបាត់ ទើបបង្កអោយមានអគ្គីភ័យកើតឡើង ហើយត្រូវបានក្រុមរថយន្តពន្លត់អគ្គីភ័យជួយពន្លត់ទាន់ពេលវេលា ។ ហេតុការណ៍នេះបង្កឱ្យមានការភ្ញាក់ផ្អើលកាលពីវេលាម៉ោង៣រសៀលថ្ងៃទីថ្ងៃ១៣ ខែឧសភា ឆ្នាំ២០១៨ នៅក្នុង APARTMENT យីហោ ស្រីមុំ សាន់ រាយន៍ ជាន់ទី៨ បន្ទប់លេខ៨០១ ស្ថិតក្នុងក្រុម៨ សង្កាត់បឹងកេងកង៣ ខណ្ឌចំការមន ។
តាមប្រភពព័ត៌មានពីប្រជាពលរដ្ឋដែលរស់នៅក្បែរកន្លែងកើតហេតុបានអោយដឹងថា មុនពេលកើតហេតុ មានអ្នកខ្លះធ្វើដំណើរតាមផ្លូវ និងអ្នកខ្លះទៀតអង្គុយនៅក្នុងផ្ទះ ពេលនោះក៍ស្រាប់តែឃើញផ្សែងហុយខ្មួលខ្មាញ់ចេញពីបង្អួច APARTMENT ជាន់ទី៨ តែមិនដឹងថាបន្ទប់លេខប៉ុន្មាននោះទេ ពេលនោះដែរពួកគាត់បាននាំគ្នាស្រែកឆោឡោឡើងថា មានភ្លើងឆេះៗ រហូតភ្ញាក់ផ្អើលដល់សន្តិសុខ និងអ្នករស់នៅក្នុង APARTMENT នាំគ្នាផ្អើលរត់ចេញមកក្រៅ ។
ប្រភពដដែលបានឱ្យដឹងទៀតថា បន្ទាប់ពីដឹងថាមានភ្លើងឆេះបាន១៥នាទីក្រោយមក ឃើញមានរថយន្តពន្លត់អគី្គភ័យរបស់ស្នងការរាជធានីភ្នំពេញបានចេញទៅជួយអន្តរាគមន៍ចំនួន៤គ្រឿង តែដោយសារអាគារនោះខ្ពស់ពេក ពិបាករាយទុយោបាញ់ទឹកទើបកម្លាំងពន្លត់អគី្គភ័យបាននាំគ្នារត់ឡើងទៅដល់បន្ទប់កើតហេតុដែលមានភ្លើងឆាបឆេះ រួចហើយក៍នាំគ្នាទាញទុយោទឹករបស់អាគារខាងលើ ដែលគេតទុកពន្លត់អគ្គីភ័យដែលមានស្រាប់ ក៏បាននាំគ្នាបាញ់ពន្លត់១៥ទាទី ទើបធ្វើអោយភ្លើងរលត់អស់ទៅវិញនៅវេលាម៉ោង៣និង៣០នាទីថ្ងៃដដែល ។
ចំពោះករណីនេះដែរ បើតាមការបញ្ជាក់ពីសមត្ថកិច្ចពន្លត់អគី្គភ័យបានអោយដឹងថា ការឆាបឆេះនេះ គឺមកពីម្ចាស់បន្ទប់ដែលជាជនជាតិបរទេសបានបើកម៉ាស៊ីនកំដៅនំ ហើយទុលចោល មិនបានបិទម៉ាស៊ីន ហើយម្ចាស់បន្ទប់នាំគ្នាចេញទៅក្រៅបាត់អស់ ទើបធ្វើឱ្យម៉ាស៊ីនកំដៅនំឆេះចេញជាអណ្តាតភ្លើងតែម្តង ។
ចំពោះហេតុការណ៍នេះដែរ គឺមិនមានគ្រោះថ្នាក់ដល់មនុស្សនោះទេ គឺគ្រាន់តែខូចខាត ម៉ាស៊ីនកំដៅនំអស់មួយតែប៉ុណ្ណោះ ៕
ចែករំលែកព័តមាននេះ