ប្រទេសម៉ាឡេស៊ី ៖ ក្រោយការវិលត្រឡប់មកកាន់អំណាចវិញ គួរឲ្យភ្ញាក់ផ្អើលរបស់លោកមហាធៀរមហាម៉ាដ ជានាយករដ្ឋមន្ត្រីម៉ាឡេស៊ី នាយករដ្ឋមន្ត្រីចប់អាណត្តិ លោកណាជីបរ៉ាហ្សាក់ ដែលជាប់ទាក់ទិននឹងរឿងអាស្រូវពង្វាងយកមូលនិធិ ហើយសង្ស័យថា ប៉ងគេចខ្លួន…
ប្រទេសម៉ាឡេស៊ី ៖ ក្រោយការវិលត្រឡប់មកកាន់អំណាចវិញ គួរឲ្យភ្ញាក់ផ្អើលរបស់លោកមហាធៀរមហាម៉ាដ ជានាយករដ្ឋមន្ត្រីម៉ាឡេស៊ី នាយករដ្ឋមន្ត្រីចប់អាណត្តិ លោកណាជីបរ៉ាហ្សាក់ ដែលជាប់ទាក់ទិននឹងរឿងអាស្រូវពង្វាងយកមូលនិធិ ហើយសង្ស័យថា ប៉ងគេចខ្លួន កាលពីថ្ងៃទី១២ ឧសភា ត្រូវហាមឃាត់មិនឲ្យចាកចេញពីប្រទេស។
មនុស្សជាច្រើនសិបនាក់ដែលមានកំហឹងបានលើកគ្នាទៅកាន់ព្រលានយន្តហោះមួយនៃរាជធានី គូឡាឡាំពួរ ក្រោយពាក្យចចាមអារ៉ាមតាមបណ្ដាញសង្គមដែលថា លោកណាជីប មានបំណងឡើងយន្តហោះទៅកាន់ឥណ្ឌូណេស៊ី រួមជាមួយភរិយាលោកស្រី ROSMAH MANSOR ដែលល្បីថា ចូលចិត្តធ្វើដំណើរចាយប្រាក់យ៉ាងច្រើន ហើយចូលចិត្តប្រមូលកាបូបដៃល្អៗដាក់ក្នុងផ្ទះធំៗ ។ មនុស្សទាំងនេះនាំគ្នាត្រួតពិនិត្យបណ្ដារថយន្តទៅកាន់ព្រលានយន្តហោះ ដោយជុំវិញពួកគេមានដាក់ពង្រាយកងកម្លាំងប៉ូលិស។
លោកណាជីបរ៉ាហ្សាក់ កូនប្រុសម្នាក់របស់ស្ថាបនិកម៉ាឡេស៊ីមួយរូប ចាប់តាំងពីឆ្នាំ២០១៥មក ជួបប្រទះនឹងរឿងអាស្រូវពង្វាងយកប្រាក់ពីបណ្ដាមូលនិធិនៃគម្រោង 1MALAYSIA DEVELOMENT BERHADហៅកាត់ថា1MDB។
ក្នុងសន្និសីទសារព័ត៌មានមួយ លោកមហាធៀរ ដែលវិលមកកាន់អំណាចវិញ ១៥ឆ្នាំក្រោយការចាកចេញ ទទួលស្គាល់ថា ខ្ញុំពិតជារារាំងលោកណាជីបមិនឲ្យចាកចេញពីប្រទេស៕
ចែករំលែកព័តមាននេះ