ប្រទេសបារាំង ៖ យោងតាមសាក្សីទាំងឡាយថា អ្នកដើរម្នាក់ត្រូវសម្លាប់ ហើយមនុស្ស៤នាក់ទៀតរងរបួស កាលពីយប់ថ្ងៃទី១២ ឧសភា នៅក្រុងប៉ារីស ដោយសារស្នាដៃបុរសម្នាក់ប្រដាប់ដោយកាំបិតមួយ ដោយស្រែកពាក្យថា «ព្រះអាល់ឡាហ៍ជាធំ»។ ឃាតករ ត្រូវប៉ូលិសបាញ់ស្លាប់ រួចការវាយប្រហារនេះត្រូវបានប្រកាសទទួលខុសត្រូវដោយក្រុមរដ្ឋអ៊ិស្លាម។
យោងតាមសេចក្ដីប្រកាសមួយ តាមទីភ្នាក់ងារព័ត៌មានឃោសនា AMAQរបស់ខ្លួន ក្រុមរដ្ឋអ៊ិស្លាមនិយាយថា ជនវាយប្រហារនៅក្រុងប៉ារីស ជាទាហានម្នាក់របស់ក្រុមរដ្ឋអ៊ិស្លាម។
តាម TWITTER ប្រធានាធិបតីបារាំង លោក EMMANUEL MACRON សរសេរថាបារាំងជាថ្មីម្ដងទៀតរងការបង្ហូរឈាម ក៏ប៉ុន្តែយើងមិនចុះញ៉មចំពោះពួកសត្រូវនៃសេរីភាពឡើយ។
ការវាយប្រហារនេះ កើតមានមុនម៉ោង២១ម៉ោងក្នុងស្រុកបន្តិច នៅវិថី MONSIGNYក្នុងខណ្ឌទី២ ត្រង់សង្កាត់ទេសចរណ៍មួយដែលសម្បូរដោយបារ ភោជនីយដ្ឋាននិងរោងមហោស្រព ដែលមនុស្សម្នានិយមទៅនាយប់ថ្ងៃសៅរ៍។ ជននោះប្រើកាំបិទចាក់មនុស្ស៥នាក់ ក្នុងនោះអ្នកដើរម្នាក់ស្លាប់ក្រោយរងរបួសធ្ងន់ធ្ងរ។ក្នុងចំណោមអ្នករបួស៤នាក់២នាក់របួសធ្ងន់៕
ចែករំលែកព័តមាននេះ