លោកអភិបាលស្រុកផ្តល់អំណោយកាកបាទក្រហមដល់ពលរដ្ឋរងគ្រោះ៣គ្រួសារ
- សៀមរាប
ខេត្តសៀមរាប ៖ លោក ពៅ ប៊ុនធឿន អភិបាលនៃគណៈអភិបាលស្រុកជីក្រែង និងជាប្រធានគណៈកម្មាធិការអនុសាខាកាកបាទក្រហមស្រុក និងលោក សុខ សុទ្ធាវុធ…
ខេត្តសៀមរាប ៖ លោក ពៅ ប៊ុនធឿន អភិបាលនៃគណៈអភិបាលស្រុកជីក្រែង និងជាប្រធានគណៈកម្មាធិការអនុសាខាកាកបាទក្រហមស្រុក និងលោក សុខ សុទ្ធាវុធ…
ខេត្តសៀមរាប ៖ លោក ពៅ ប៊ុនធឿន អភិបាលនៃគណៈអភិបាលស្រុកជីក្រែង និងជាប្រធានគណៈកម្មាធិការអនុសាខាកាកបាទក្រហមស្រុក និងលោក សុខ សុទ្ធាវុធ អធិការនគរបាលស្រុក ព្រមទាំងក្រុមការងារស្រុក អាជ្ញាធរឃុំ-ភូមិបាននាំយកអំណោយរបស់កាកបាទក្រហមខេត្តសៀមរាប ចុះសួរសុខទុក្ខ និងសំណេះសំណាលជាមួយប្រជាពលរដ្ឋដែលរងគ្រោះដោយសារខ្យល់កន្ត្រាក់ចំនួន៣គ្រួសារកាលពីថ្ងៃទី១២ ខែ ឧសភា ឆ្នាំ ២០១៨ នៅឃុំស្ពានត្នោត និងឃុំកំពង់ក្តី ស្រុកជីក្រែង ខេត្តសៀមរាប។
សូមបញ្ជាក់ថា គ្រួសារដែលរងគ្រោះដោយសារខ្យល់កន្ត្រាក់រលំផ្ទះបណ្តាលឱ្យខូចខាតទាំងស្រុងមានចំនួន២គ្រួសារ នៅភូមិស្ពានត្នោត១ និងភូមិចំរេះ ឃុំស្ពានត្នោត ចំណែក១គ្រួសារទៀតរងគ្រោះដោយខ្យល់កន្ត្រាក់បណ្តាលឱ្យរបើកដំបូលផ្ទះ នៅភូមិពោធិសេរី ឃុំកំពង់ក្តី។
ក្នុងឱកាសចុះសួរសុខទុក្ខប្រជាពលរដ្ឋទាំង៣គ្រួសារនោះ លោក ពៅ ប៊ុនធឿន អភិបាលនៃគណៈអភិបាលស្រុកជីក្រែង និងជាប្រធានគណៈកម្មាធិការអនុសាខាកាកបាទក្រហមស្រុកក៏បានពាំនាំនូវការផ្ដាំផ្ញើសួរសុខទុក្ខពីសំណាក់លោកបណ្ឌិត ឃឹម ប៊ុនសុង អភិបាលខេត្ត ជាពិសេសការផ្ដាំផ្ញើសួរសុខទុក្ខពីសម្ដេចកិត្តិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា ដែលតែងតែយកចិត្តទុកដាក់គិតគូរចំពោះសុខទុក្ខប្រជាពលរដ្ឋគ្រប់រូប មិនប្រកាន់វណ្ណៈ ពណ៌សម្បុរ ជំនឿសាសនា ឬ និន្នាការនយោបាយណាមួយឡើយ ។
ក្នុងនោះដែរ ក្រុមការងារក៏បានផ្តល់អំណោយជូនដល់គ្រួសារដែលរលំផ្ទះ និងរបើកដំបូល ក្នុងមួយគ្រួសារទទួលបានអង្ករ២៥គីឡូក្រាម មុង១ ភួយ១ កន្ទេល១ សារុង១ ក្រមា១ តង់កៅស៊ូ១ ឆ្នាំង១ ស្លាបព្រា៥ ចាន៥ ធុងទឹក១ មី១កេស ទឹកត្រី១យួរ ថវិកា១០០.០០០រៀល និងគ្រួសារដែលរបើកដំបូលទទួលបានអង្ករ ២៥គីឡូក្រាម តង់កៅស៊ូ១ មុង១ ភួយ១ កន្ទេល១ សារុង១ ក្រមា១ មី១កេស ទឹកត្រី១យួរ ថវិកា៥០.០០០រៀល ៕
ចែករំលែកព័តមាននេះ