រាជធានីភ្នំពេញ ៖ បុរសជាមេការម្នាក់ត្រូវបន្លឹកដែកសម្រាប់ធ្វើប៉ាណូរាប់រយគីឡូធ្លាក់សង្កត់សំប៉ែតក្បាលស្លាប់ក្នុងថ្លុកឈាមយ៉ាងអាណោចអាធ័ម ខណៈកំពុងធ្វើការ ហេតុការណ៍នេះបង្កឲ្យភ្ញាក់ផ្អើលកាលពីម៉ោង៤រសៀល ថ្ងៃទី១២ ឧសភា ស្ថិតក្នុងឃ្លាំងមួយកន្លែងតាមផ្លូវរថភ្លើង ភូមិចុងថ្នល់ខាងលិច សង្កាត់ទឹកថ្លា…
រាជធានីភ្នំពេញ ៖ បុរសជាមេការម្នាក់ត្រូវបន្លឹកដែកសម្រាប់ធ្វើប៉ាណូរាប់រយគីឡូធ្លាក់សង្កត់សំប៉ែតក្បាលស្លាប់ក្នុងថ្លុកឈាមយ៉ាងអាណោចអាធ័ម ខណៈកំពុងធ្វើការ ហេតុការណ៍នេះបង្កឲ្យភ្ញាក់ផ្អើលកាលពីម៉ោង៤រសៀល ថ្ងៃទី១២ ឧសភា ស្ថិតក្នុងឃ្លាំងមួយកន្លែងតាមផ្លូវរថភ្លើង ភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ ។
ជនរងគ្រោះខាងលើឈ្មោះ កៅ ចាន់ណារិន ភេទប្រុស អាយុ៤១ឆ្នាំ ជាមេការធ្វើប៉ាណូ ស្នាក់នៅក្នុងភូមិ-សង្កាត់កើតហេតុខាងលើ ។
បើតាមប្រភពពីកម្មកររួមការងារឲ្យដឹងថា ឃ្លាំងខាងលើបានស្តុកសន្លឹកអាលុយកាបូនដែលគេយកទៅប្រើការធ្វើជាផ្ទាំងឡូហ្គោ ផ្ទាំងប៉ាណូ ដោយក្នុងមួយសន្លឹកទម្ងន់ជាង១០គីឡូក្រាម ។ មុនកើតហេតុជនរងគ្រោះ រួមជាមួយកម្មករ២នាក់ទៀតចូលទៅរើសន្លឹកអាលុយកាបូន ដោយរើទាញសន្លឹកពីលើធ្នើខាងលើមករៀបដាក់នៅធ្នើខាងក្រោម ខណៈនោះកម្មករ២នាក់ឡើងទៅខាងលើ រីឯជនរងគ្រោះនៅរៀបខាងក្រោម។ ពេលកំពុងតែធ្វើការងារ ស្រាប់តែទ្រនើរធ្វើអំពីដែកបាក់ដាច់ធ្លាក់ទាំងសន្លឹកអាលុយកាបូនជាច្រើនសន្លឹកមកសង្កត់លើមេការចំក្បាលសំប៉ែតដូចចេកចៀន តែក្រុមគ្រួសារមិនអស់ចិត្តនាំគ្នាដឹកតាមម៉ូតូកង់បីបំណងយកទៅសង្គ្រោះ តែជាអកុសលដាច់ខ្យល់ស្លាប់កណ្តាលផ្លូវក៏ដឹកមកកន្លែងកើតហេតុវិញ។
ក្រោយពេលកើតហេតុ ខាងម្ចាស់ទីតាំងប៉ុនប៉ងដឹកសពចេញ ប៉ុន្តែគាប់ជូនប៉ូលិសទៅដល់ ហើយឃាត់ទុករង់ចាំនគរបាលជំនាញចុះមកពិនិត្យ៕
ចែករំលែកព័តមាននេះ