ខេត្តកំពត៖ តាមសេចក្តីរាយការណ៍បឋមបានឱ្យដឹងថា កំលាំងមន្ទីរយុត្តិធម៌នៃកងរាជអាវុធហត្ថខេត្ត កាលពីវេលាម៉ោង៩និង៤៦នាទីព្រឹកថ្ងៃទី១០ ខែឧសភា ឆ្នាំ ២០១៨ នេះបានចុះធ្វើការឃាត់ខ្លួនជនសង្ស័យម្នាក់តាមដីការបស់តុលាការលេខ១៩៤ចុះថ្ងៃទី៣១ ខែសីហា ឆ្នាំ២០១៧ របស់លោក អាំង សុភា ចៅក្រមស៊ើបសួរសាលាដំបូងខេត្តកំពត ពីបទហិង្សាដោយចេតនា និងប៉ះពាល់កម្មសិទ្ឋិទ្រព្យសម្បត្តិសាធារណៈ ប្រព្រឹត្តនៅភូមិតេជោអង្កាញ់ ឃុំតេជោអភិវឌ្ឍន៍ ស្រុកឈូក កាលពីថ្ងៃទី១០ ខែសីហា ឆ្នាំ ២០១៧។
សមត្ថកិច្ចមន្ទីរយុត្តិធម៌នៃកងរាជអាវុធហត្ថខេត្តបានឲ្យដឹងថា ជនត្រូវចោទដែលសមត្ថកិច្ចចាប់ឃាត់ខ្លួនតាមដីការខាងលើ ឈ្មោះ អៀម សុខល់ ភេទប្រុស អាយុ៥៤ឆ្នាំ មុខរបរកសិករ រស់នៅភូមិតេជោពង្រ ឃុំតេជោអភិវឌ្ឍន៍ស្រុកឈូក ខេត្តកំពត។
បច្ចុប្បន្នជនត្រូវចោទ ត្រូវបានបញ្ជូនទៅតុលាការដើម្បីចាត់ការតាមនីតិវិធី។
ព័ត៌មានលម្អិតនឹងមានផ្សាយលើទំព័រកាសែតកោះសន្តិភាព ៕
ចែករំលែកព័តមាននេះ