ខេត្តសៀមរាប ៖ ភ្លៀងមួយមេធំលាយឡំដោយខ្យល់កន្ទ្រាក់ និងរន្ទះបាញ់ បណ្តាលឱ្យប៉ះពាល់ដល់លំនៅដ្ឋានប្រជាពលរដ្ឋ និងងាប់សត្វគោចំនួន២ក្បាល នៅស្រុកចំនួនបី ក្នុងខេត្តសៀមរាប កាលពីវេលាម៉ោង៤និង៣០នាទីល្ងាចថ្ងៃទី១០ ខែឧសភា…
ខេត្តសៀមរាប ៖ ភ្លៀងមួយមេធំលាយឡំដោយខ្យល់កន្ទ្រាក់ និងរន្ទះបាញ់ បណ្តាលឱ្យប៉ះពាល់ដល់លំនៅដ្ឋានប្រជាពលរដ្ឋ និងងាប់សត្វគោចំនួន២ក្បាល នៅស្រុកចំនួនបី ក្នុងខេត្តសៀមរាប កាលពីវេលាម៉ោង៤និង៣០នាទីល្ងាចថ្ងៃទី១០ ខែឧសភា ឆ្នាំ២០១៨ ក្នុងនោះមាន ស្រុកជីក្រែង ខ្យល់កន្ត្រាក់ប៉ះពាល់ចំនួន២ឃុំ គឺឃុំស្ពានត្នោត និងឃុំកំពង់ក្តី បណ្តាលឱ្យខូចខាតផ្ទះប្រជាពលរដ្ឋចំនួន១០ខ្នង ដួលរលំផ្ទាល់ដីចំនួន២ខ្នង របើកដំបូលចំនួន៧ខ្នង និងហើបជើងសរសរ១ខ្នង។
ក្រុងសៀមរាប រលំផ្ទះបណ្តាលឱ្យខូចខាតទាំងស្រុងចំនួន១ខ្នង ស្ថិតនៅភូមិខ្នា សង្កាត់ក្របីរៀល ក្រុង-ខេត្តសៀមរាប និងស្រុកពួក ស្ថិតក្នុងឃុំកែវពណ៌ កើតឡើងក្នុងភូមិកំភេម បណ្ដាលឱ្យខូចខាតផ្ទះបាយទាំងស្រុង និងឃុំល្វាមានករណីរន្ទះបាញ់កើតឡើងក្នុងភូមិព្រះអង្គទ្រង់ បណ្ដាលឱ្យងាប់គោញី១ក្បាល ចំណែកភូមិស្វាយ ឃុំខ្នាត ក៏មានករណីរន្ទះបាញ់បណ្ដាលឱ្យងាប់គោញីមួយក្បាផងដែរ ។ ក្នុងករណីខាងលើនេះពុំបណ្តាលឱ្យគ្រោះថ្នាក់ដល់អាយុជីវិតមនុស្សទេ៕
ចែករំលែកព័តមាននេះ