ប្រទេសម៉ាឡេស៊ី ៖ នាយករដ្ឋមន្ត្រីថ្មីម៉ាឡេស៊ី លោកមហាធៀរមហាម៉ាដ ប្រកាសនាថ្ងៃទី១១ ឧសភាថា ព្រះមហាក្សត្រទ្រង់នឹងព្រះរាជទាន ការលើកលែងទោសភ្លាមៗ ដល់មេដឹកនាំប្រឆាំង លោកអានវ៉ាអ៊ី…
ប្រទេសម៉ាឡេស៊ី ៖ នាយករដ្ឋមន្ត្រីថ្មីម៉ាឡេស៊ី លោកមហាធៀរមហាម៉ាដ ប្រកាសនាថ្ងៃទី១១ ឧសភាថា ព្រះមហាក្សត្រទ្រង់នឹងព្រះរាជទាន ការលើកលែងទោសភ្លាមៗ ដល់មេដឹកនាំប្រឆាំង លោកអានវ៉ាអ៊ី ប្រាហ៊ីម ដែលទទួលទោសជាប់គុកច្រើនឆ្នាំពីបទរួមភេទដូចគ្នា។
ក្នុងសន្និសីទសារព័ត៌មានមួយ២ថ្ងៃក្រោយជ័យជម្នះជាប្រវត្តិសាស្ត្រ ក្នុងការបោះឆ្នោតសភា របស់ក្រុមចម្រុះប្រឆាំង ដឹកនាំដោយរូបលោកផ្ទាល់ លោកមហាធៀរ អាយុ៩២ឆ្នាំថ្លែងថា ព្រះមហាក្សត្រទ្រង់បញ្ជាក់ថា ព្រះអង្គត្រៀមផ្ដល់ការលើកលែងទោសដល់លោក អានវ៉ាអ៊ី ប្រាហ៊ីម ក្នុងពេលភ្លាមៗ។ លោកបន្តថា យើងនឹងរៀបចំនីតិវិធីសមស្រប ដើម្បីឲ្យទទួលបាន ការលើកលែងទោសដល់លោកអានវ៉ា។ បែបនោះមានន័យថា ជាការលើកលែងទោសទាំងស្រុង។ លោកអានវ៉ា ត្រូវដោះលែងភ្លាមៗក្រោយការលើកលែងទោស។
លោកមហាធៀរ ធ្លាប់សន្យាថា ក្នុងករណីនៃជ័យជម្នះក្នុងការបោះឆ្នោតសភាដែលអាចឲ្យលោកក្លាយជានាយករដ្ឋមន្ត្រី នោះលោកនឹងផ្ទេរតំណែងនេះដល់លោកអានវ៉ា ជាអតីតសត្រូវប្ដូរផ្ដាច់របស់លោក ក្រោយពេលលោកអានវ៉ា អាយុ៧០ឆ្នាំចាកចេញពីពន្ធគារ។
អ្នកទាំង២បានបង្រួបបង្រួមគ្នា មុនការបោះឆ្នោតសំដៅកម្ចាត់អតីតនាយករដ្ឋមន្ត្រីលោកណាជីបរ៉ាហ្សាក់ ដែលជាប់ទាក់ទិននឹងរឿងអាស្រូវហិរញ្ញធំមួយ ដែលនាំឲ្យញ័ររង្គើដល់ប្រទេសម៉ាឡេស៊ីចាប់ពីឆ្នាំ២០១៥មក៕
ចែករំលែកព័តមាននេះ