តាមប្រភពព័ត៌មាន AS បានឲ្យដឹងថា ឪពុករបស់កីឡាករថ្លៃជាងគេលើលោកក្នុងប្រវត្តិសាស្ត្របាល់ទាត់ Neymar បានរៀបចំចាត់ចែងត្រៀមឲ្យកូនប្រុសរបស់លោកចាកចេញពីក្លិបអ្នកមានបារាំង PSG។
ប្រភពព័ត៌មានជាក់ច្បាស់ គឺបានមកព័ត៌មានស្រុកបារាំង Liberation។ ព័ត៌មាន Liberation បានចុះផ្សាយថា Neymar Senior ដែលជាឪពុករបស់ Neymar Junior បានហោះពី Sao Paolo ទៅកាន់ Paris កាលពីថ្ងៃទី២៤ ខែមុននេះ ដើម្បីទៅជួបជាមួយនឹង Pini Zahavi ដែលជាអ្នកសម្របសម្រួលកណ្តាលក្នុងការផ្ទេរ Neymar ពី Barcelona ទៅកាន់ PSG កាលពីរដូវកាលមុន។
បើតាមការផ្សាយឪពុករបស់ Neymar បាននិយាយទៅកាន់ Zahavi ឲ្យជួយបើកផ្លូវឲ្យទៅលេងនៅក្លិបខាងអឺរ៉ុបផង។ ប្រសិនបើយើងអង្កេតវិភាគលើក្លិបខាងអឺរ៉ុប យើងឃើញថា ឪពុករបស់ Neymar មិនចង់ឲ្យកូនទៅលេងឲ្យ Premier League ឬក៏ Bayern Munich អ្វីឡើយ។ ចំពោះ Barcelona វិញ គឺរឹតតែគ្មានផ្លូវ ដូចនេះមានតែ Real Madrid ទេ ដែលជាជម្រើសអាចទៅរួចជាងគេ។
គួរបញ្ជាក់ផងដែរថា ចំពោះខាង Real Madrid លោក Florentino Perez ដែលជាម្ចាស់ក្លិបក៏ស្រឡាញ់ចង់បាន Neymar ដែរ ដែលដល់ថ្នាក់បញ្ចុះបញ្ចូលឲ្យមកលេងនៅ Real Madrid ដើម្បីមានឱកាសឈ្នះពាន Ballon d’Or៕
ចែករំលែកព័តមាននេះ