លោកត្រាំប្រកាសថា លោកនឹងជួបជាមួយលោកគីម ជុងអ៊ុន
សហរដ្ឋអាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ត្រាំ គូសបញ្ជាក់កាលពីថ្ងៃទី១០ ឧសភា តាម TWITTER ថា…
សហរដ្ឋអាមេរិក និងកូរ៉េខាងជើង ៖ ប្រធានាធិបតីអាមេរិក លោកដូណាល់ត្រាំ គូសបញ្ជាក់កាលពីថ្ងៃទី១០ ឧសភា តាម TWITTER ថា ការជួបគ្នារបស់លោកជាមួយមេដឹកនាំកូរ៉េខាងជើងលោក គីម ជុងអ៊ុន នឹងប្រព្រឹត្តទៅនាថ្ងៃទី១២ មិថុនានៅសិង្ហបុរី។
លោកត្រាំសរសេរថា ការជួបគ្នាដែលទន្ទឹងរង់ចាំបំផុត រវាងលោក គីម ជុងអ៊ុន និងរូបខ្ញុំ នឹងប្រព្រឹត្តទៅនាថ្ងៃទី១២ មិថុនា នៅសិង្ហបុរី។ យើងទាំង២នឹងសាកល្បងធ្វើឲ្យការជួបគ្នានេះជាឱកាសពិសេសបំផុតមួយសម្រាប់សន្តិភាពលើពិភពលោក។
ការអះអាងទាំងនេះ របស់លោកត្រាំ ធ្វើឡើងក្រោយពីកូរ៉េខាងជើងដោះលែងជនជាតិ អាមេរិក៣នាក់ ដែលខ្លួនឃុំឃាំង ហើយពួកគេបានវិលត្រឡប់ដល់ប្រទេសពួកគេវិញ កាលពីព្រឹកថ្ងៃទី១០ ឧសភា ជាមួយរដ្ឋមន្ត្រីការបរទេស លោក MIKE POMPEO បន្ទាប់ពីទស្សនកិច្ចរបស់លោក នៅក្រុងព្យុងយ៉ាង ដើម្បីរៀបចំការជួបគ្នាកំពូលរវាងលោកត្រាំនិងលោក គីម ជុងអ៊ុន។
ពេលទៅទទួលអ្នកទាសអាមេរិកទាំង៣នាក់នេះឯមូលដ្ឋានយោធា ANDREWS ក្នុងរដ្ឋ ម៉ារីឡែន លោកត្រាំថ្លែងពីមោទនភាពធំបំផុតរបស់លោក ពេលដែលយើងអាចរំសាយនុយក្លេអ៊ែរនៅទូទាំងឧបទ្វីបកូរ៉េ។ នោះជាការទន្ទឹងរង់ចាំចាប់តាំងពីយូរមកហើយរបស់មនុស្សទាំងឡាយ។ ពុំនឹកស្មានថា រឿងនោះអាចនឹងសម្រេចបានលឿនយ៉ាងនេះ។
លោកបន្តថា គេអាចសង្ឃឹមថាអ្វីៗនឹងដំណើរការយ៉ាងល្អ។ លោកចង់និយាយសំដៅលើការជួបគ្នារបស់លោកជាមួយលោក គីម ជុងអ៊ុន។ ពេលសួរលោកថា តើលោកនឹង ថ្ងៃណាមួយទៅបំពេញទស្សនកិច្ចនៅកូរ៉េខាងជើង លោកត្រាំថ្លែងថា រឿងនោះអាចកើតមាន៕
ចែករំលែកព័តមាននេះ