ខេត្តកំពង់ចាម ៖ សេចក្តីរាយការណ៍បឋមឱ្យដឹងថា សមត្ថកិច្ចចម្រុះបានបើកប្រតិបត្តិចុះបង្ក្រាបទីតាំងលក់សត្វព្រៃ ស្ថិតនៅត្រង់ចំណុចស្ពានត្រោះ ក្នុងភូមិបែកពាង ឃុំជាលា ស្រុកបាធាយ កាលពីរសៀលថ្ងៃទី ១០ ឧសភា ដោយដកហូតបានសត្វចំនួន៣ប្រភេទផងដែរ ។
សេចក្តីរាយការណ៍បន្តថា មានរោងជាច្រើនកន្លែង ដែលបានដាក់លក់សត្វ ក្នុងនោះមានទាំងប្រភេទសត្វស្រុក ប៉ុន្តែសត្វព្រៃវិញត្រូវបានរកឃើញមានតែ២កន្លែងទេ ត្រូវដកហូតមានប្រភេទដូចថា ១-សត្វននាលខ្យងចំនួន៩ក្បាល, ២-សត្វមៀម១ក្បាល ៣-ក្រួចអឺតចំនួន១០ក្បាល ក្រៅពីនេះ មិនឃើញមានលក់សត្ព្រៃនោះទេ ។ ដោយឡែក ម្ចាស់អ្នកលក់សត្វព្រៃ២នាក់ ត្រូវបានសមត្ថកិច្ចឱ្យធ្វើកិច្ចសន្យាអប់រំបញ្ឈប់មិនឱ្យលក់ ក្នុងករណីនៅតែចចេសនឹងត្រូវចាត់វិធានការតាមច្បាប់ជាកំហិត ។
គួររំលឹកថា នៅសៀលថ្ងៃទី១០ ខែឧសភា ស្ដ្រីវ័យក្មេងម្នាក់ ដែលបានបង្ហោះតាមយូធូបនិងហ្វេសប៊ុក ពីការសម្លាប់សត្វព្រៃជាច្រើនប្រភេទយកមកធ្វើម្ហូប រួមជាមួយប្តីរបស់នាងដែលជាអ្នកថតនោះ បានចូលខ្លួនមកកាន់ក្រសួងបរិស្ថាន ដើម្បីសារភាពពីទោសកំហុសបន្ទាប់ពីដឹងថា ក្រសួងនឹងចាត់វិធានការចំពោះទង្វើបំផ្លាញសត្វព្រៃនេះ ។
ព័ត៌មានលម្អឹតនឹងមានផ្សាយជូនបន្តលើទំព័រកាសែតកោះសន្តិភាព ។
គួររំលឹកថា ៖
https://kohsantepheapdaily.com.kh/article/635564.html
ចែករំលែកព័តមាននេះ